Os atletas das Escolas Deportivas Mondoñedo – Lourenzá así como a sección de Atletismo Lourenzá (adultos) participaron o pasado venres 3 de abril na Carreira Popular do Viño de Quiroga e o domingo 5 na Popular da Augardente de Portomarín.
Destacan, nestas dúas carreiras, os triunfos de Ana Vallines e Ainara Rodríguez.
En Quiroga, na XI Carreira Popular do Viño, Ana Vallines facíase co título na categoría infantil feminino. Fernando Vallines era 10º en Alevín Masculino e Luís Graña na categoría sénior percorría 9 kilómetros en 37:36 (33º da súa categoría).
E, por outra banda, na I Carreira Popular da Festa da Augardente de Portomarín destacaba o título de Ainara Rodríguez na categoría infantil feminino. Ademais Iria Rodríguez conseguía a prata en benxamín feminino.
O resto dos nen@s: Henar Méndez 4ª en benxamín, Ian Méndez 5º en benxamín e Claudia Graña 5ª en infantil feminino.
En canto ós adultos, notable actuación de Marisa Ares e Álex Villalba, que acadaron sendos trofeos como terceiros clasificados nas respectivas categorías.
RESULTADOS ADULTOS:
MARCOS RODRÍGUEZ: 14 da xeral, 7 da categoría. Tempo de 31,02
ÁLEX VILLALBA: 15 da xeral, 3 da categoría. Tempo: 31,10
LUIS GRAÑA: Posto 22 da categoría. Tempo: 34,10
JUAN MÉNDEZ: Posto 19 da categoría. Tempo: 37,25
MARISA ARES: Posto 13 da xeral, 3 da categoría. Tempo: 42,37
LOLI PIÑEIRO: Posto 23 da xeral, 7 da categoría. Tempo: 47,14.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
