Foz, 6 de abril de 2015.- O vicepresidente e responsable de Benestar e Deporte, o nacionalista Antonio Veiga, presentou no serán deste luns en Foz a quinta edición da Copa Deputación de Piragüismo, que un ano máis disputarán os seis conxuntos da provincia e conta co respaldo da Vicepresidencia Primeira do organismo provincial, a través da súa Área de Benestar e Deporte. Acompañaron nesta presentación o Delegado en Lugo da Federación Galega de Piragüismo, Martín Carballo, e representantes dos clubs participantes.
Antonio Veiga explicou que esta quinta copa se disputará “entre os meses de abril e agosto, seguindo o formato de anteriores edicións, polo que cada club se encargará de organizar unha regata”, indicou. A primeira proba celebrarase o 26 de abril nas instalacións do Club Fluvial de Lugo, a segunda regata, o 1 de maio, tamén se levará a cabo na cidade amurallada, nas inmediacións da área recreativa dos Robles e baixo a organización do Cidade de Lugo. A partir de aquí, a Copa trasladarse á Mariña. O 7 de xuño celebrarase na ribadense praia dos Bloques a terceira regata, organizada polo Club Altruán de Ribadeo; o encoro de Río Covo será escenario da cuarta proba, dirixida polo CP San Ciprián, o 19 de xullo; o CP Viveiro será quen xestione a penúltima proba, a celebrarse o 9 de agosto fronte ao porto deportivo viveirense; e pecharase esta edición o 23 de agosto na enseada de Foz, coa proba organizada polo Club Kayak de Foz.
Unha proba consolidade que axuda a medrar o número de licenzas
Antonio Veiga resaltou que “un ano máis temos rexistraremos un aumento da participación, é unha proba que está xa consolidada no calendario do piragüismo galego, que contou con moitos participantes en todos estes anos e é unha copa que da continuidade ás que acabamos de celebrar, tanto de baloncesto como de fútbol base”, sinalou. Con este tipo de competicións, o vicepresidente provincial di que outro exemplo máis de que “apoiamos sempre aos rapaces e rapazas que se inician en diversos deportes e cun especial significado esta proba de piragüismo, que conseguiu que moitos nenos e nenas volver a practicalo, aproveitando o medio natural que temos o noso alcance para celebralo, como son os nosos ríos, rías e o encoro de Río Covo”, apuntou.
Finalmente, Veiga agardou que se volva ver “o mesmo espectáculo que en anos anteriores e alegrámonos de que o piragüismo volva recuperar a forza que sempre tivo na nosa provincia”, concluíu.
Participantes de todas as idades
Igual que nas pasadas edicións, os clubs participantes poderán inscribir padexeiros desde categoría benxamín ata veterano, tanto na disciplina de kayak como de canoa. En todas as regatas os padexeiros, homes e mulleres por igual, sumarán puntos de cara á clasificación final individual e por equipos. Os puntos que se obteñen en función do posto conseguido son os que aquí se sinalan:
Para a categoría veterano, sénior, júnior e cadete:
1º ……. 65 puntos
2º …… 55
3º …… 50
4º……. 46
5º……. 45, etc.
En categoría infantil A e B, cría A e B e benxamín:
1º……. 100 puntos
2º …… 90
3º …… 85
4º……. 81
5º……. 80, etc.
O feito de que os nenos de categorías inferiores puntúen case o dobre que os padexeiros do resto de categorías obedece ao obxectivo da Copa, que segundo o delegado da Federación Galega de Piragüismo en Lugo, Martín Carballo, é o de “incentivar a promoción e que se sigan ganando practicantes de curta idade”, manifestou.
Participación e distancias
Martín Carballo tamén comentou que a participación cada ano é máis elevada. “Na pasada edición, a cifra de competidores superou os 200 na maioría das probas que conformaron a competición, chegando nunha delas a tomar saída 245 padexeiros. Se se realiza a suma de todos os participantes presentes en polo menos unha das regatas, o número ascende a 1.300, dos que puntuaron, -ao ter entrado dentro do tempo de control- 978”, afirmou.
En función da categoría, a distancia a percorrer é diferente e axeitada á idade. As distancias das distintas probas son as mostradas a continuación:
– 1500 m. para benxamín e cría A e B
– 3000 m. para infantil A e B
– 5000 m. para veterano, sénior, júnior e cadete
18.000 euros en premios: 1.200 máis que na anterior edición
En canto aos premios, esta Copa outorga distintos premios económicos para os equipos participantes. A contribución é realizada pola Vicepresidencia Primeira Deputación de Lugo que elevará a contía total aos 18.000 euros, superando os 16.800 do pasado ano. “A distribución destes premios baséase en dous criterios fundamentais: por un lado a participación, segundo o número de padexeiros, supoñendo o 40% do total e por outro, a clasificación, segundo os postos conseguidos, constituíndo o 60% do total”, sinalou Antonio Veiga.
Tamén haberá trofeos en cada proba para os tres primeiros clubs clasificados e aos tres primeiros homes e mulleres de cada unha das categorías.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
