Unha cousa é mentir, xa que se trata dunha característica inherente ás persoas, unha acción consciente ou inconsciente da condición humana. Pero outra cousa é “contalas calladas”. Iso si que reborda maldade, un pouso de malicia intencionada que nunca favorece a quen a practica.
En Xove, nos debates plenarios que se deron nesta lexislatura que vai rematar, desde o grupo municipal nacionalista do que eu son portavoz, participamos sempre con iniciativas construtivas sen esquecer nunca a nosa obriga de fiscalización da acción de goberno. Aínda que neste último punto tivemos pouco traballo debido á parálise gobernamental. Así a todo, no outro, no de aportar ideas, non podo permitir que un político profesional (moi ben pagado por certo) me trate de folgazán a sabendas da súa falsidade. Só me podo defender destas acusacións asegurándolles que a mesma dedicación que practico na miña profesión diaria, véñoa aplicando á miña labor política sen cobrar un peso. Teñan en conta que a meirande parte dos que estamos nisto é por convicción. Do mesmo xeito que se coida a un familiar durante unha convalecencia por amor ou se continúa a traballar no negocio propio até horas intempestivas por servizo ao cliente e non por rendibilidade económica.
Tampouco é certo que non o teña chamado por teléfono e que non fora nunca falar con el ao seu despacho. Máis ben ao contrario. El nunca me chamou a min e sempre fun eu quen se interesou polos problemas dos veciños. A última vez que o chamei foi debido ás pedras que caeron encima das casas do Cruceiro tras unha voadura con barrenos nas obras da VAC. So pretendía interesarme polos veciños, algo que seguramente nunca lles trasladou. Pero o máis interesante é que, hai dous anos, nunha visita ao seu despacho (ese que di que nunca pisei), incluso me anunciou “medidas” a tomar respecto ao anterior tenente de alcalde, José Manuel, cando eu lle facilitei unha información que alguén me fixo chegar de forma anónima e da que lle deixei sacar unha copia. Eu quedei co documento orixinal. Curiosamente, quince días despois desa reunión, José Manuel presentou a súa dimisión “por motivos laborais”.
Nunha entrevista publicada a semana pasada, o candidato do PP puido quedar coma un señor. Pero a elegancia non vai con el. E agora o noso prezado alcalde quedou coma o que é. E todo isto tendo en conta que os datos oficiais din que desde o grupo municipal nacionalista presentamos 61 iniciativas, fronte ás 5 do PP. Nós saímos a 30,5 propostas por concelleiro. Eles saen a 0,62 propostas por cada edil/a. Polo tanto, só me queda dicir que un mandatario que non recoñece o traballo do rival político só pode ser cualificado dun xeito: indigno.
Marco López
(Candidato do BNG-Asembleas Abertas á alcaldía de Xove)
28/IV/2015
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
