Cielo Fernández – Este xoves, 23 de abril, celébrase o Día do Libro, e este mes de abril é tamén o mes das artes na Mariña. A exposición de artistas mariñáns no CENIMA de Foz, que se celebra por segundo ano consecutivo −aínda que con anterioridade xa tivera lugar algunha outra edición− está conseguindo xerar unha verdadeira corrente de enerxía arredor das artes, xa que logra involucrar artistas, profesores, alumnos e asociacións con actividades previas e paralelas que están facendo do mes de abril un verdadeiro mes das artes na Mariña.
As artes plásticas e a literatura son dúas disciplinas que ao longo da historia camiñaron moitas veces da man. Cando visitamos as igrexas e catedrais románicas explícannos como as decoracións dos capiteis e os retablos tiñan en moitas ocasións o obxectivo de contarlles un capítulo das Escrituras ou unha ensinanza moralizante ás xentes humildes que non sabían ler a palabra escrita pero si entendían o que os debuxos ou os relevos tallados amosaban.
Nos manuscritos medievais desenvolveron a súa arte os miniaturistas −ilustradores ou iluminadores− que debuxaban nas marxes das páxinas e as letras capitais do principio do texto. Estas obras tiñan de novo, xunto co valor ornamental, a función de axudar a comprender o texto e mesmo de axudar a atopar parágrafos dunha obra relacionados con certos debuxos. Esta arte foi unha das principais que se desenvolveron durante a Idade Media.
Son só dous exemplos do profundamente unidos que están os libros, a literatura e as artes plásticas. Actualmente en Occidente a poboación está na súa totalidade alfabetizada e non é necesario acudir á imaxe para suplir o texto escrito, pero si para completalo e enriquecelo. A relación entre a letra impresa e a ilustración vive actualmente un momento moi doce, prolífico e rico. Esta relación amosa diferentes formatos: o cómic, no que o peso da narración recae sobre o debuxo que o texto completa, a novela gráfica e o álbum ilustrado, no que ambos sosteñen a historia por igual ou o libro ilustrado, no que as ilustracións completan o narrado na escrita etc. En calquera destes formatos atopamos agora mesmo obras de gran calidade e con moita aceptación por parte do público. Vai cambiando a sensibilidade de anos atrás que relegaba a función da imaxe a puro adorno ou a facilitar a lectura para os nenos pequenos e vai gañando a conciencia de que a ilustración, o debuxo nos libros, pode achegar tanto coma o texto e, sobre todo, que ambos complementados, enriquecen a narración que o libro nos propón e a experiencia lectora.
Por este motivo, na librería Bahía optamos por celebrar o Día do Libro cunha exposición da ilustradora Minia Regos, que se inaugurará o día 24 de abril ás seis da tarde cun obradoiro de ilustración para nenas e nenos a partir de seis anos.
Celebramos, por tanto, que coincida na Mariña neste mes de abril a Festa do Libro e a Festa das Artes e animamos a todos os mariñáns a celebrar ambas mercando un libro na súa librería e visitando a exposición que os nosos artistas nos ofrecen no CENIMA de Foz.
Cielo Fernández. Libreira
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
