Despois de oito anos de goberno, o alcalde, o nacionalista Orlando González, non coñece cal é a realidade de Mondoñedo. Non sabe que oportunidades ofrece a nosa cidade, nin que carencias presenta, polo que tampouco ten nin tivo nunca entre mans, tal e como viñemos denunciando dende fai anos, un plan de actuación serio para traballar pola mellora de Mondoñedo.
Cando menos roza o surrealista que o alcalde durante oitos anos dun concello, se decida, ao final do seu mandato, a colaborar nun proxecto piloto co que busca facer unha análise e diagnose das oportunidades e posibilidades que ten o seu municipio. Despois de oito anos de goberno descoñece os recursos que ten Mondoñedo e só despois de oito anos anuncia que pensa buscar un plan de actuación.
Sr. González en moitas ocasións lle dixemos que vostede non está centrado en Mondoñedo, non lle importa, e tampouco se lle espera xa. Só logrou o retroceso dunha localidade, pola que nunca se interesou; e agora, ás portas dunhas eleccións, quere coñecer como está e o que necesita.
Non sei as posibilidades que tería o BNG en Guitiriz ou en Chantada para levar a cabo actuacións ao longo destes anos,-o proxecto piloto nace nos tres concellos-, pero sei con certeza que en Mondoñedo as tivo todas, xa que os nacionalistas lideraron o destino do concello durante os últimos oito anos. Porén, non fixo nada. E, agora, tamén sabemos o porqué o BNG e o sr. González non fixeron máis. Tristemente, non sabían nin o que había para facer.
O único que está a facer o sr. González, co proxecto piloto que presentou onte en colaboración coa Deputación, e, sen dúbida, unha utilización política do tecido asociativo da localidade. Dende o Partido Popular ata en dúas ocasións levamos a pleno a proposta de crear unha comisión de participación cidadá, xa que consideramos vital a implicación social para o desenvolvemento local.
O sr. alcalde, e o seu equipo de goberno, votaron en contra da iniciativa do PP de darlle participación ás asociacións. Está claro e é evidente que, o alcalde e os seus socios do PSOE, só se acordan das asociacións por interese político, partidista e electoralista. Chámanas simplemente para a foto, porque a realidade é que nunha estableceron mecanismos reais de participación.
A nosa dispoñibilidade durante estes catro anos foi absoluta e, con humildade, pero co compromiso de traballo, ofrecemos un proxecto serio e ilusionante. Cualificativos que, sen dúbida, non se poden afirmar do sr. alcalde que, dende que goberna o concello, pese a perder as eleccións, vivir en Mondoñedo é máis caro, máis incómodo e con menos servizos e oportunidades. A localidade estivo gobernada por un alcalde ao que non lle interesa Mondoñedo, nin os seus veciños, agás, claro está, ás portas duns comicios. Durante oito anos non existiu e agora non se lle cre, nin se lle espera.
Elena Candia, candidata do PP á alcaldía de Mondoñedo
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
