Ribadeo, 23 de abril de 2015.- O Concello ven de presentar o “ambicioso” programa Ribadeo medra contigo para o desenvolvemento das persoas e da economía local. A primeira parte do proxecto sera un curso de community manager. A inscrición poderá realizarse ata o vindeiro 4 de maio, segundo explicou este xoves ó mediodía o alcalde, Fernando Suárez.
O rexedor contou que “con este novidoso programa buscamos dinamizar na medida do posible a economía local a través da aposta por algúns sectores que teñen maiores perspectivas de futuro aquí, en Ribadeo, como poden ser o das novas tecnoloxías, por unha banda, e, por outra, o aproveitamento dos produtos primarios. Queremos tamén con este programa de dinamización impulsar as pequenas e medianas empresas radicadas no noso territorio e ás persoas que pretenden emprender, a través da posta en marcha dun programa que permita mellorar os tres piares fundamentais das empresas, que son a xestión, a comercialización e o marketing. Por iso queremos centrarnos en tres áreas diferenciadas: a primeira delas é a área de emprego 2.0 e novas tecnoloxías; a segunda delas, unha área de empresas e emprendemento; e a terceira, un área de desenvolvemento rural e aproveitamento de produtos primarios”.
Sobre a primeira das áreas: emprego 2.0 e novas tecnoloxías Suárez Barcia dixo que “haberá 15 prazas, o que pretendemos é que vendo os novos servizos que están a xurdir debido á revolución das redes sociais queremos modificar as relacións de comunicación das empresas e das organizacións con respecto aos seus clientes. Vemos que hai un nicho moi importante de emprego porque están xurdindo novos profesionais que se chaman 2.0, entre os que se atopa esta figura que en inglés se chama community manager, que realmente é a persoa encargada de xestionar, moderar e desenvolver comunidades arredor dunha marca en internet facendo uso das novas canles que representan os medios sociais. De aí que faremos un curso de community manager de un total de 200 horas, das que 80 serán teoría e 120 de práctica, que se van realizar en empresas de Ribadeo que estean interesadas en desenvolver un plan de marketing on line colaborando con nós”. O prazo de inscrición para estas 15 prazas estará aberto ata o día 4 de maio, as bases para a escolla das persoas están na páxina do Concello, que é ribadeo.gal, “e queremos brindar a posibilidade a todas as persoas que buscan máis polo miúdo todos os condicionantes e posibilidades para que se anoten”.
O alcalde ribadense rematou sinalando que “nos próximos tempos iremos explicando as outras dúas partes deste ambicioso programa que se chama Ribadeo medra contigo, tanto xa no seguinte apartado, enfocado a empresas e emprendemento, e tamén no que ten que ver co desenvolvemento rural”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
