Santiago, 7 de abril de 2015.- O Grupo Popular defendeu hoxe na Comisión de Pesca e Marisqueo do Parlamento de Galicia que se demande ao Goberno do Estado a exención da obriga de portar un botiquin tipo C a bordo das embarcacións que faenan no interior das nosas rías.
Os populares rexistraron unha emenda a unha iniciativa de AGE reclamando que este botiquin fóra substituído por un modelo máis acorde coas necesidades e tipos de flota e coas súas dispoñibilidades económicas, pero non foi aceptada pola coalición de esquerdas, decantando o voto en contra do Grupo Popular que, en todo caso, sigue defendendo a necesidade dunha flexibilización da normativa vixente que transpón unha directiva europea.
O voceiro do Mar Jose Manuel Balseiro pide, en todo caso, á posición que non se frivolice con cuestións médicas e sinala que cando se trata de dotarnos dos medios necesarios para garantir a seguridade e saúde dos profesionais do mar hai que ser serios e actuar con rigor, e iso tamén esixe actuar con proporcionalidade
Tamén explicou que na actualidade o 90% do custe deste botiquín tipo C está subvencionado por axudas do Instituto Social da Mariña (ISMI) ou, nos casos de que as empresas teñan traballadores por conta allea, financiado na súa totalidade polas mutuas
Confraría de Cabo de Cruz
Por outra banda, o Grupo Parlamentario Popular, a través da súa deputada Herminia Pouso, defendeu que a Xunta vén colaborando plenamente coa Xustiza e cos Corpos e Forzas de Seguridade do Estado achegando toda a información requirida para a loita contra calquera tipo de fraude ou situación de irregularidade que puidera ter acontecido na confraría de Cabo de Cruz.
Os populares, que cualificaron a iniciativa do BNG de extemporánea, pois foi formulada fai 22 meses e, entre outras peticións solicitada a convocatoria de eleccións no pósito, que xa tiveron lugar no mes de outubro, apartando aos anteriores responsables da confraría, fixeron un chamamento para que se deixe traballar á Xustiza e se respecte o segredo de sumario.
En todo caso o PP lembrou que a Xunta deu traslado á Fiscalía e ao propio xulgado das denuncias que foron producíndose, de toda a documentación requirida e calquera outro dato que puidera estar relacionado co obxecto da investigación levada a cabo pola Garda Civil, froito dunha colaboración previa coa Xunta.
Por último, os populares lembraron que a confraría de Cabo de Cruz pode acollerse á liña que cada ano aproba a Consellería para a mellora e recuperación proudutiva das zonas marisqueiras e sinalou o importante reforzo acadado no ámbito do control, xa que, segundo os datos oficiais, as inspeccións contra o furtivismo en Arousa incrementáronse un 30% e un 60% os comisos de marisco ilegal respecto do ano 2013.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
