“Mondoñedo é poesía 2015” é unha actividade cultural enmarcada nas Feiras e Festas das Quendas que convoca neste segunda edición (tras o éxito da de 2014) a 13 poetas (6 deles mindonienses), 3 músicos e arredor de 20 debuxantes que amosarán as súas creacións en diferentes rúas, prazas e espazos da cidade e do Auditorio Municipal “Pascual Veiga” ao longo da xornada.
PROGRAMA
De 11.00 (Campo da Feira dos Remedios) a 14.00 horas.- Sketchcrawl Galicia- Debuxantes e pintores (Xosé Vizoso, Xoán Guerreiro, Eduardo Baamonde, Lucía López, Isabel Seidel, Pelayo López, Julián Ardura, Antón “Caxoto” …) cítanse nunha quedada en Mondoñedo. Percorreran as rúas tomando apuntes ao vivo da cidade e das xentes, que difundirán a través das redes sociais.
13.30 horas.- Intervención poética na entrega de Premios do Concurso de Gando no Campo da Feira.
De 16.00 a 18.00 horas.- Sketchcrawl Galicia- Quedada de debuxantes e pintores na Praza da Catedral.
De 18.00 a 20.00 horas.- Recitados nas prazas de Mondoñedo
– 18.00 horas: Praza da Catedral (Inteveñen: Eduard Velasco, Chus Amieiro, Hermes López ).
– 18.30 horas: Praza da Concello (Inteveñen: Eduardo Estévez, Conce Agrelo e Aladino Montero).
– 19.00 horas: Praza Jaime Cabot (Inteveñen: Baldo Ramos, Aleixandre Lago Barcala e Luciano do Monfadal). Tamén participará nestes recitais na rúa alumnado de diferentes centros escolares de Mondoñedo.
De 18.00 a 19.15 horas.- DEBUXACONTOS E POESÍAS a cargo de Caxoto Kativo, na Praza Jaime Cabot. Obradoiro aberto de creación para os máis cativos.
De 20.00 a 21.30 horas.- Recital “Mondoñedo é poesía” no Auditorio Municipal “Pascual Veiga”. Interveñen músicos (César Morán, Miro Casabella, Arcadio Mon) e poetas (Luz Pozo, Yolanda Castaño, Lois Pérez, Eduardo Estévez, Baldo Ramos, Aleixandre Lago Barcala, Eduard Velasco e Caxigueiro).
Colofón: Homenaxe a Antonio Noriega Varela polo 120º aniversario da publicación do seu poema “De Ruada” en 1895.
Ao tempo, continuarán as súas actividades na mesma sala os debuxantes e pintores da quedada Sketchcrawl Galicia.
Complementan todas estas actividades:
-TENDAL DE POESÍA no Auditorio “Pascual Veiga”, con poemas do alumnado dos centros escolares mindonienses e de poetas locais.
-Librería no Auditorio “Pascual Veiga, con atención preferente aos títulos dos autores e músicos convocados
-EXPOSICIÓN de Sketchcrawl Galicia, no Auditorio “Pascual Veiga” con obras de Eduardo Baamonde (Cambados), Lucía López (A Coruña), Pelayo López (A Coruña), Isabelll Seidel (Ourense), Juan Ardura (Betanzos), Antón Díaz “Caxoto” (Cervo), Xoán Manuel Guerreiro (Xove), Xosé Vizoso (Mondoñedo).
Agasallos para asistentes:
-Publicación conmemorativa “Mondoñedo é poesía 2015” con ilustracións de Alicia Puchades Tella-Villamarín e textos poéticos dos e das poetas participantes.
-Folleto co poema “De Ruada” de Antonio Noriega Varela
Organizan: Asociación “AS San Lucas” e Mondoñedo É …
Patrocina: Secretaría Xeral de Cultura, Consellería de Educación, Xunta de Galicia.
Colaboran: Concello de Mondoñedo, ACIAM Mondoñedo, Casa Penela, Casa de Mañas, CEIP Álvaro Cunqueiro e IES San Rosendo.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
