Lourenzá, 15 de abril de 2015.- O pleno extraordinario da corporación municipal de Lourenzá que está convocado para mañá, xoves, ás 10 da mañá tratará a ampliación da área de rehabilitación integral (ARI) a todo o casco urbano. Na sesión tamén se abordará a creación dun viveiro municipal de cooperativas agrarias.
A alcaldesa, Emma Álvarez Chao, explicou que “será o penúltimo pleno deste mandato municipal e trátase dunha sesión de carácter extraordinario que tivemos que facer para aprobar a ampliación do ARI. Saíu un programa do Ministerio para rexeneración e renovación urbana do plan estatal de fomento do alugamento de vivendas, rehabilitación edificatoria e rexeneración e renovación urbana. Dende o Concello de Lourenzá acollémonos a este programa para aprobar a posible ampliación, que nosoutros barallamos, e tamén para consolidar o ARI que temos a día de hoxe. É necesario levalo a pleno, polo cal tivemos que facer esta sesión extraordinaria. Con esta proposta que facemos de validación e ampliación da área rehabilitación integral o que pretendemos é que todo o casco urbano quede incluído dentro deste programa e deste xeito todas as vivendas que están no casco urbano poderían acollerse a este tipo de subvencións”.
Emma Álvarez engadiu que no pleno de mañá, xoves, tamén se debaterá “un regulamento para a creación dun viveiro municipal de cooperativas, que se asentaría na antiga lonxa agrícola, que no anterior pleno foi desafectada como lonxa e quedou como un ben patrimonial de carácter agrario. Isto foi o que nos levou a pensar que a mellor utilización para este inmoble sería facer un viveiro de cooperativas agrarias, para que aquelas que xa existen ou poidan existir no noso concello teñan un apoio por parte Concello non seus primeiros anos de vida para que boten a andar e ata que xa sexan capaces por si mesmas de levar a cabo todas as accións e tamén poder dispoñer de locais propios”.
A alcaldesa comentou ademais que “neste mesmo pleno tamén van dúas mocións do Partido Popular: unha na que instamos á Sociedad Estatal de Correos y Telégrafos a que mellore o servizo que está ofertando a día de hoxe no noso concello; e outra na que instamos ao Ministerio de Justicia a que manteña os servizos e as funcións rexistrais civís que temos a día de hoxe no xulgado de paz de Lourenzá”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
