Viveiro, 17 de abril de 2015.- Representantes do Partido Popular mantiveron hoxe un novo encontro co Comité de empresa de Vestas no que aproveitaron para darlles conta das xestións realizadas en cumprimento do seu compromiso para que os traballadores sexan recibidos pola Xunta e así poidan trasladar de primeira man ao Goberno a situación que afecta a esta compañía.
Os populares adiantan que a devandita cita coa directora xeral de Traballo e Política Social, Carmen Bouso terá lugar o vindeiro luns ás 11 da mañá e ao encontro acudirán os traballadores de Vestas, aínda que fan extensible esta mesma invitación á dirección da empresa por si tivera interese tamén en participar.
Na reunión desta tarde estiveron presente o secretario xeral do Partido Popular de Lugo e parlamentario autonómico, Jose Manuel Balseiro, o tamén deputado Vidal Martínez-Sierra, acompañados do presidente local do PP, Antonio Bouza, do congresista Jaime de Olano e de varios responsables locais.
MEDIACIÓN
O encontro serviu tamén para reiterar, unha vez máis, o ofrecemento feito na anterior xuntanza. Lembran que a Consellería de Traballo e Benestar pon á disposición da empresa e dos traballadores que así o soliciten, o servizo de solución extraxudicial de conflitos do Consello Galego de Relacións Laborais. Este organismo, especializado neste tipo de conflitos laborais, ten como obxectivo acadar unha solución entre as partes a través da mediación, especialmente positiva neste período de consultas.
Desde o PP aseguran ter unha preocupación real tras o anuncio dos expedientes de regulación de emprego e por iso quixeron poñer en valor o acordo unánime acadado esta semana no Parlamento de Galicia, grazas ao decisivo voto favorable do Grupo Popular, en apoio dos traballadores desta compañía e dirixido a impulsar todas as medidas posibles para intentar garantir a actividade futura da empresa e os seus postos de traballo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
