Burela, 14 de maio de 2015. Burela renovou as bandeiras azuis das praias de A Marosa, Portelo e Ril, da Aula Medio Ambiental Gaia e do barco museo Reina del Carmen e tamén o sendeiro azul Ruta do Litoral burelés. O alcalde, José Mª González Barcia, fai unha valoración moi positiva da noticia.
O rexedor declarou que “é unha magnífica e estupenda noticia que renovamos as tres bandeiras azuis das praias de A Marosa, Portelo e Ril, as tres bandeiras azuis dos centros de interpretación vinculados co medio ambiente, que son o barco museo Reina del Carmen, a aula de educación ambiental Gaia e os paseos marítimos, que se converten un ano máis en sendeiros azuis”.
González Barcia subliñou que “en total son 6 bandeiras azuis para o concello de Burela, que nos enchen de orgullo e de satisfacción, porque o traballo feito durante estes anos, non soamente polo Concello senón coa colaboración prestada polos veciños e a súa implicación dá os seus froitos e porque sen dúbida ningunha esta é unha gran forma de promocionar Burela turísticamente. Nese sentido nosoutros sempre apostamos polas bandeiras azuis, porque entendemos que son distincións medioambientais de recoñecido prestixio que ao Concello non lle custan nada, a pesar de que o Concello inviste cartos en mellorar ano tras anos as súas infraestruturas”.
O alcalde burelés dixo que “é un motivo de enorme satisfacción e de agradecemento tamén ao persoal municipal, ao que está máis ou menos implicado no asunto de bandeiras azuis, de preservación de praias e de coidado do medio ambiente, pero tamén fundamentalmente aos cidadáns que usan as praias, que van ao barco museo Reina del Carmen, visitantes día a día que recoñecen a calidade que ten o barco, a esa xente que usa a diario os paseos marítimos e que os respecta e a eses rapaces e rapazas, nenos e nenas que están imbuíndose da educación ambiental a través da aula Gaia. Todos eles merecen o noso recoñecemento e agradecemento, porque sen eles non sería posible conseguir estas 6 bandeiras azuis, que fan de Burela un concello de 8 quilómetros cadrados que ten case tantas bandeiras azuis como quilómetros cadrados. E isto motiva para seguir traballando en anos próximos sen baixar a garda para polo menos renovar estes galardóns que nos distinguen turística e medioambientalmente como un dos concellos máis salientables da nosa comunidade autónoma”.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
O público poderá degustar embutidos de porco celta da gandería Celtagal, de Mondoñedo. O deputado de Rural Daniel García, Alba Fernández, da organización das festas, e Iván Rodríguez e Jose Barreira, representantes de Asoporcel, presentaron a iniciativa, que se inclúe no programa de fomento do consumo de razas autóctonas Un gusto de rural, un rural de gusto. O programa, posto en marcha en 2025 para socializar as calidades gastronómicas das carnes de razas autóctonas galegas con diferentes receitas, prevé este ano 37 degustacións en mercados, feiras e outras celebracións populares. Na organización, que conta coa colaboración das asociacións Puraga, Asoporcel e Boaga, prímase o emprego de materia prima de gandeiras e gandeiros locais.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
