O Kayak de Foz volve do embalse de Trasona (Avilés) con tres palistas metidos entre os 18 primeiros de España da categoría infantil e un entre os 25.
Tal e como estaba previsto, o Kayak desprazou 4 infantís -2 mozos e 2 mozas- ó II Campionato de España Infantil de piragüismo na distancia de 3000 metros onde fixeron moi bo papel na competición deixando o nome de Foz a un gran nivel.
Muller Infantil B K1
Paola García entrou no posto 17 a 1 minuto e 37 segundos da vencedora e a súa irmá Naila entrou no posto 25 a 2.07 da gañadora. Vistas as clasificacións das palistas pertencentes ós clubs galegos inscritos, Paola foi a quinta galega en entrar en meta e Naila a sétima.
Estes resultados fan abrigar grandes esperanzas con vistas á Copa de España Infantil de Zamora o 27 de xuño e ó Campionato Galego de Infantís a disputar en Boiro o 5 de xullo.
Home Infantil B K1
Fran Louro do Kayak e Adrián Padín do CP Portonovo disputáronse os postos 11 e 12 nun sprint final co que o mariñán entraba a 1.04.940 do vencedor. Con este resultado, o palista do Kayak ocupa o segundo posto entre os palistas galegos inscritos, sendo só adiantado, por 34 segundos de diferenza, por Marcos Muñiz do CP Portonovo (4º). Boas sensacións e mellores perspectivas de cara á Copa de España e ó Campionato Galego de Infantís.
Home Infantil A K1
O Club Kayak de Foz tiña na auga a Xoel García Neira, Campión de España Infantil B 2014 -título conseguido neste mesmo embalse o ano pasado- entre os 117 padexeiros que tomaron a saída.
Os favoritos non defraudaron e situáronse agrupados na cabeza. Nomes xa coñecidos como Adrián García da Escola Placentina de Piragüismo (3º clasificado o ano pasado), José Peral do CP Lipasam sevillano (2º o ano pasado), Joaquín Iglesias do CP Verducido (9º en pasado ano) ou Xoel García (campión) navegaban nese grupo de cabeceira, alternando as posicións e marcándose ferreamente uns a outros. Pese ós intentos de escapar nas saídas das ciabogas, ninguén lograba abandonar o grupo.
Nas manobras do paso da última ciaboga, un padexeiro tocou o temón do barco de Xoel provocándolle un xiro involuntario. O deportista do Kayak tivo que parar, retomar a trazada da ciaboga e arrincar de novo perdendo nesta manobra uns valiosos segundos que foron decisivos para o desenlace final. Por diante, as hostilidades estaban abertas. A escasos metros da liña de meta e tras un sprint a vitoria decantouse para Adrián García da Escola Placentina de Piragüismo marcando un crono de 11.59.73. Catro segundos máis tarde entraba Nel Sánchez do RGC Covadonga ocupando o segundo caixón do podio. Terceiro foi Diego Infiesta tamén do RGC Covadonga. Xoel García, tralo seu percance na ciaboga entrou na posición 11, a 45.73 segundos do vencedor non podendo revalidar o título de Campión de España.
Pese a este incidente, Xoel García Neira está entre os 3 mellores padexeiros galegos da distancia, só 3 segundos por detrás de Gabriel Pachón do Tambre (9º) e 14 segundos por detrás de Joaquín Iglesias de CP Verducido (5º). As espadas están en todo o alto para o asalto á Copa de España e ó Campionato Galego.
A próxima cita será a 3ª regata da Liga Galega de Infantís a disputar no Miño, en Lugo, o próximo 24 de maio.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
