Contestación de Luis Alfonso Sixto ao PP de Foz

Luis Alfonso Sixto – Señores/as do PP de Foz, con respecto á súa alusión feita á miña persoa no seu último escrito no que me comparaban cun antiguo afiliado do seu partido, exlíder de UNIFOZ e agora candidato do PSOE, teño que puntualizarlles unha serie de datos, e voullo a facer de forma moi nítida:

-LUIS ALFONSO SIXTO non é Xaime Cancio, PORQUE EU NON VOU A PERMITIR QUE ESTA DEREITA GOBERNE FOZ.

-“FOZ, PLATAFORMA DE FUTURO” non é UNIFOZ porque NÓS NON VAMOS A POÑER EN VENTA OS VOTOS DA XENTE QUE CONFÍE EN NÓS PARA INTENTAR ENTRAR NUN GOBERNO DE DEREITAS.

-LUIS ALFONSO SIXTO é o representante dunha iniciativa veciñal humilde pero cunha gran dignidade, que vai a cambiar a bronca polo progreso deste pobo. A cada desprecio da vella política, unha proposta nova.

-LUIS ALFONSO SIXTO nunca cobrou un só euro do erario público porque na miña vida o único que fixen foi traballar por unhos ideais de progreso e igualdade social para o meu pobo, sen nada a cambio. “Igual” que todos eses compañeiros seus deste PP á deriva que saen nos sumarios de todas as televisión nacionais a diario.

-LUIS ALFONSO SIXTO non ten medo a naide porque ten unha marea de xente detrais que ansía unha oportunidade para participar, crear, opinar, impulsar e cambiar este pobo farto de sectarismos que non interesan aos veciños. 

“Foz, Plataforma de Futuro” é un bola de neve que medra imparable, un estallido de respetabilidade, xuventude, coherencia e ganas de volver a situar a Foz como referencia social, económica e cultural de vangarda na Mariña.

Camiñamos infatigables cara un cambio que chegará o 24 de maio a Foz.
Somos ilusión!