Mondoñedo, 18 de maio de 2015.- A Asociación de Veciños Vilaoriente comunica que presentou alegacións de oposición á solicitude da empresa Gas Galicia SDG S.A., sobre a autorización administrativa para a rede de distribución de gas natural canalizado en Mondoñedo, e dunha Planta Satélite de Gas Natural Licuado (GNL) como sistema de subministración da devandita rede de distribución. E manifesta que o seu rexeitamento éo en canto á posibilidade de que esta instalación da rede de distribución de gas natural canalizado no núcleo de Mondoñedo, implique a construción dunha planta satélite de GNL en Pelourín.
Esta Asociación de Veciños Vilaoriente rexeita rotundamente a Planta Satélite de GNL na súa situación proposta de Pelourín tanto por motivos urbanísticos, como ambientais. Ademais, da análise do expediente e do proxecto despréndense unha serie de erros, inexactitudes, omisións e mesmo falsidades, que por si soas serían causa abondo para a súa non autorización do proxecto non conforme a dereito.
Hai que sinalar que neste tipo de proxecto se requiren a autorización e a aprobación non só atendendo a criterios técnicos gasísticos, senón que tamén en canto a criterios de planificación territorial, urbanísticos, ambientais e culturais. E que ademais é preceptivo que se “consideren todos e cada un deles”. E que é obriga da Administración comprobar e verificar antes da autorización e da aprobación, se os proxectos presentados son susceptibles de ser desenvolvidos.
Esperamos e confiamos que a nova corporación mindoniense se postule por unanimidade contraria á construción da Planta Satélite de GNL en Pelourín, e articule os medios necesarios para unha situación máis idónea. E pedimos un pronunciamento claro, preciso e rotundo dos representantes políticos en contra da situación proposta de Pelourín.
Esta Asociación de Veciños entende que acontecementos como a recente explosión e incendio da Planta de GNL en Cangas, evidencian unha vez máis o carácter perigoso deste tipo de instalacións e do grave erro que podería supoñer a situación dunha Planta Satélite de GNL en Pelourín. Máxime cando este Concello dispón de chan con aptitude urbanística adecuada para este tipo de instalacións como é o Parque Empresarial. Pois non debe esquecerse que unha Planta de GNL almacena e transforma gas licuado, e é susceptible de orixinar riscos graves por explosións, combustións, e outras de análoga importancia para as persoas e/ou os bens.
Por último, esta Asociación de Veciños quere manifestar o seu malestar pola proliferación de explotacións industriais nun ámbito que o plan municipal reserva como solo de protección paisaxística, e onde os veciños non podemos obter a viabilidade das nosas explotacións do sector primario ó non poder modernizalas ou modificalas. Resulta imposible obter unha licenza urbanística ou de actividade para montar unha corte ou granxa, un invernadoiro, unha planta hortícola etc. E tampouco podemos modificar nin ampliar as nosas vivendas. Non obstante, existe a posibilidade da construción dunha Planta de Gas Natural Licuado. Ademais de ter aquí xa situado o vertedoiro de lixo municipal (iso si clausurado), e dúas subestacións eléctricas. E todo iso na Parroquia dous Remedios.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
