Ribadeo, 18 de maio de 2015.- De éxito rotundo cualificou a concelleira de Desenvolvemento Local, Ana Martínez, a décima edición do concurso gastronómico Ribadeo de tapeo, que concluíu este domingo. Durante os dez días de duración desta cita vendéronse arredor de 60.000 tapas.
A edil nacionalista dixo que “Ribadeo de tapeo foi, por décimo ano consecutivo, un éxito rotundo. Foino porque apela á nosa cultura, aos nosos costumes, á tradición de compartir, cun viño e algo de comer, a conversa e a amizades. Ribadeo de tapeo, é sen dúbida algunha o noso mellor escaparate gastronómico e as receitas deste ano volveron pór de manifesto a calidade e orixinalidade dos nosos/as profesionais e dos locais hostaleiros do noso concello, que entre eles e a grande cantidade de público que se achegou durante estes 10 días foron os que propiciaron este éxito”.
Martínez subliñou que “houbo unha grande participación de público, quizais acompañada polo bo tempo que tivemos estes días para disfrutar do tapeo. E durante estes dez días vendéronse unhas 60.000 tapas”.
A concelleira de Desenvolvemento Local felicitou “a todos os locais participantes, sen excepción, porque todos foron gañadores. Todos eles puxeron ilusión e teimosía, e souberon achegar aos clientes propostas atractivas. Queremos tamén agradecer ao xurado que fixo posible este evento e que se prestaron a exercer de xurado avaliador e que facilitaron a escolla final”.
Xurado – Quenda Preselección
Ana Martínez Arruñada,profesora de Hostalería de Foz
Miguel Angel Sánchez Méndez , especialista e profesional da hostalería
Héctor González Fernández , profesor de Hostalería
Agustín Carro Loureiro , profesor de Hostalería
Martínez indicou que “este xurado fixo unha escolla de 12 tapas do total de 51, que logo outro xurado xunto co anterior fixo a escolla final. Tamén grazas a todos eles”.
Xurado – Quenda Final, estivo composto por:
Begoña Rio Rodríguez , bloguera gastronómica
Jose Manuel García Barreiro, locutor e condutor de CRTVG do programa “Come e Fala”
Nuria PumaresBarrallobre, bloguera dun espazo en internet gastronómico
Alejandro Iglesias Vázquez, cociñeiro profesional
O fallo do xurado foi o seguinte:
Premio a Mellor Tapa: Ceviche mixto con toques galegos e caipisour do establecemento Tmos.
Segundo Premio: O ouro do galeón, dobrón de xiba e polvo coa súa tinta e ouro de La Solana.
TerceiroPremio: Isto non é o que parece, do Hotel AG Porcillán.
Tapa Ribadeo: Hamburguesiña da horta do establecemento Amodiño.
As tapas finalistas, xunto coas anteriores foron:
-Salmón mariñado sobre crocante de espelta e xeado de queixo, da Cervecería O Alén.
-O polbo. Versión 2015, do Hotel Restaurante O Cabazo.
-Cen por cen galego, de Casa Pepe – Piano.
-Bocadiño de tenreira galega, de A Dorada do Cantábrico.
-Anna Botella, do Galipizza.
-O Bocadillo das Viaxes, de A Mirandilla.
-Gominola de mencia e solombo de boi en dúas texturas sobre biscoito sifón de El Oviedo.
-Trampatollo, o pasteliño que quixo ser salgado, do Parador de Ribadeo.
Falta por coñecerse o premio da mellor tapa para o público e tamén a mellor barra. “Noraboa a todos e a todas polo éxito conseguido”, rematou engadindo Ana Martínez.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
