Coa intención de expoñerlle ó electorado as nosas propostas para Alfoz o pasado sábado 16 de maio, no Salón de Actos da Casa da Cultura de Alfoz, celebrouse un acto público, coa intervención de Xabier Pardiñas, candidato á alcaldía. Ademais contouse coa intervención de Eduardo Rega, empresario local, e Soles Carnero, educadora infantil, ambos veciños de Alfoz.
Aparte de falar do programa, Xabier Pardiñas, expuxo que “a xente que formamos VIA estamos facendo unha campaña en positivo, sen entrar el liortas inútiles, sen ir contra ninguén, pois mirando para atrás non imos solucionar nada”.
Durante a súa intervención Xabier Pardiñas recalcou que non nos debemos esquecer da xente xoven e que “para garantirlle un futuro a Alfoz debemos conseguir recursos alí onde os haxa, aprender de iniciativas que hai noutros concellos que están funcionando e poñelas en práctica aquí, coa xente nova, coa xente de Alfoz. Pero para iso hai que moverse, buscar ideas, asesoramento, inversións… Isto non pode ser unha consulta médica, onde os veciños e veciñas de Alfoz van chorar as súas penas e ó final recetámoslle uns coidados paliativos. Asfaltámoslle a aira, poñémoslle unha farola ou colocámoslle o fillo a traballar no concello, e se pode ser unha semana antes das eleccións mellor que mellor. Iso non é futuro para Alfoz. Iso son coidados paliativos para un enfermo terminal e Alfoz ten moita vida. Iso é o que temos que cambiar, vós, a xente nova que estades aquí, pais da xente nova que aínda estades aquí, avós de xente nova que aínda estades aquí, sodes os que tedes nas vosas mans que en Alfoz haxa un cambio. E para que o mundo cambie temos que empezar por cambiar nós mesmos”.
Para presentar ós veciños que falaron no mitin Xabier Pardiñas recordou que “nós non temos presidentes e deputados que nos veñan aquí falar da obra e milagres dos seus partidos. Nós temos única e exclusivamente veciños, xente que sabe o que pasa aquí, veciños e veciñas que saben o que necesita Alfoz. E algúns deles ofrecéronse a falar, a dar a súa opinión, ofrecéronse a dicirvos que Alfoz ten Futuro”.
Tras esta intervención os asistintes escoitaron a Eduardo Rega e Soles Carnero, quen deron a súa opinión persoal sobre o futuro de Alfoz.
Para rematar o acto Pardiñas envioulle unha mensaxe ós asistintes dicindo que “queremos ser a vosa ferramenta para conducir os destinos de Alfoz, podemos selo se nos dades a vosa confianza e saberemos selo se temos a responsabilidade de goberno. En Alfoz hai futuro e ese futuro será aquel que vós queirades que sexa”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
