A Comisión de Pesca do Parlamento aprobou este mércores unha proposición non de Lei do Grupo Socialista para pedirlle á Xunta que realice “de xeito inmediato” a dragaxe das dársenas portuarias de Ribadeo, Viveiro, Foz e Burela. O portavoz de Pesca, José Ramón Val, acusou ao PP e ao goberno galego de ter anunciado as dragaxes “sen data” porque “saben que non van facer nada”.
Val advertiu que “enganan aos veciños e veciñas da Mariña” con promesas baleiras feitas para “salvar a cara” en campaña electoral e dixo que “a partir do 24 de maio –o día das eleccións- non van facer absolutamente nada”. Lembrou que o PP leva seis anos rexeitando tódalas emendas socialistas para incluír estas actuacións nos orzamentos.
Acusou ao goberno galego de chegar ao “límite do absurdo” para tratar de esquivar a súa responsabilidade tentando “cargarlle a intervención á concesionaria” dos portos cando o contrato tan só inclúe obras menores e mesmo “enfrontándose coas directivas dos clubes náuticos de Ribadeo e Viveiro”.
O responsable socialista alertou da urxencia destas actuacións por canto en Ribadeo “pasouse de 2,5 metros de calado a tan só 60 centímetros nalgunhas zonas”, ademais de un “gran problema na bocana de acceso ao porto”. No caso de Viveiro, dixo, as últimas mareas vivas deixaron en seco ao porto, provocando que as embarcacións quedaran varadas enriba da orza, cun evidente risco de accidente.
Texto da iniciativa aprobada:
“O Parlamento de Galicia insta á Xunta de Galicia a continuar as xestións en curso e os trámites preceptivos xa en marcha e acometa de xeito inmediato o dragado das dársenas portuarias de Foz, Ribadeo, Viveiro e Burela, co fin de recuperar a súa operatividade e evitar posibles situacións de risco para as persoas e as embarcacións”.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
