A Mariña, 10 de maio de 2015.- O Partido Popular da Mariña lucense acusou este domingo ao BNG de volver a facer campaña electoral mentindo aos veciños sobre a sanidade pública da comarca.
Desde o PP aseguran que os nacionalistas fan uso repetido desta mesma estratexia cada vez que hai unhas eleccións e poñen de relevo a nula credibilidade do BNG cando falan da sanidade pública comarcal.
Así lembran que, sempre coincidindo cunha campaña electoral o BNG repartiu incluso folletos cos que intentaba enganar aos veciños alertando sobre un falso peche do hospital, isto é, o discurso do medo en algo tan serio como a saúde.
Desde o PP lamentan que o BNG siga metendo medo á xente e polemizando e realizando afirmacións que son directamente falsas e non se corresponden coa realidade, como por exemplo, que o Hospital da Costa se converterá nun simple ambulatorio.
NOVOS SERVIZOS E AMPLIACIÓN
O PP da Mariña indica que o verdadeiro compromiso coa sanidade pública comarcal o ten demostrado a Xunta que, baixo a presidencia do Partido Popular, achegou máis de 2,2 M€ en obras e novos servizos, como por exemplo son a nova sala de oncoloxía, para tratamentos de quimioterapia (que incluso amplía a súa atención) ou o novo servizo de hospitalización a domicilio entre outros.
Sinalan tamén que mentres outros prometen comprometerse co Hospital o PP demostra este compromiso con feitos, como é o caso, da recente aprobación –e presentación por parte do Presidente da Xunta- do plan director para a ampliación e remodelación do Hospital da Costa, probablemente o proxecto máis ambicioso dos últimos tempos na comarca.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
