Lugo, 29 de maio de 2015. A Xunta de Goberno da Deputación aprobou este venres o prezo público para 10 libros editados polo Servizo de Publicacións da entidade provincial de temáticas que van desde a historia local de varios concellos da provincia a catálogos artísticos, escolmas literarias e libros infantís.
En concreto, trátase dos títulos Apuntes sobre Ribadeo, Mondoñedo literario, Manuel Leiras Pulpeiro (1854-1912). O poeta e o cidadán ao cabo dun século, Brinca o Río, sobre poemas de Xosé María Díaz Castro, o libro infantil A Casa de Vapor, Achádego Teatro. 25 Aniversario, e os catálogos artísticos Diálogos na Rede, Estudio Aberto, Arte e Natureza e Yolanda Dorda. Diálogos omitidos.
O vicepresidente da Deputación, o nacionalista Antonio Veiga, destacou o “importante traballo” realizado polo Servizo de Publicacións da Deputación, que editou 200 volumes nos últimos 4 anos, dos que 150 son libros de distintas temáticas de interese para a provincia (historia, cultura, etnografía, literatura ou artes plásticas) e outros 50 publicacións do Museo Provincial que non se poñen á venda, como unidades didácticas, catálogos ou outro material da Rede Museística da Deputación.
Os catálogos do Museo envíanse a 200 entidades de todo o mundo
Veiga destacou tamén que “a maiores do traballo de edición e publicación faise un importante traballo de distribución, xa que os libros poden mercarse nas librerías ou no stand do Servizo de Publicacións da Deputación nas 5 Feiras do Libro que hai na provincia (Lugo, Monforte, Ribadeo, Foz e Viveiro), mándanse tamén gratuitamente a asociacións, centros de ensino e bibliotecas de toda a provincia e os libros e catálogos do Museo envíanse en intercambio a 200 entidades de todo o mundo, polo que tamén serven para levar o nome de Lugo por toda Europa e América, por exemplo”, explicou o vicepresidente.
A tirada media que se fai de cada volume está entre os 500 e os 1.000 exemplares e unha parte dos títulos edítanse tamén en formato dixital, en cd e compatible para ser lido en libro electrónico.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
