Lugo, 10 de xuño de 2015. Un ano máis, a Vicepresidencia da Deputación e a Asociación Basanta Motorsport organizan as X Xornadas de Condución Segura, que terán lugar este sábado desde as 09.00 ata as 21.00 horas no Circuíto da Pastoriza impartidas pola Escola de Condución PTC. Estes cursos están dirixidos e especialmente deseñados para 3 grupos de persoas que se poderían considerar grupos de risco a hora de circular polas estradas: persoas con discapacidade, condutores noveis e persoas maiores de 60 anos.
O vicepresidente da Deputación e responsable da área de Benestar e Deporte, o nacionalista Antonio Veiga, presentou esta mañá estas Xornadas, que se veñen celebrando desde o ano 2009. Acompañárono Avelino Basanta, piloto de rallys con discapacidade e impulsor das xornadas; a nacionalista Elva Carreira, tenente de alcalde do Concello da Pastoriza; e Antonio Solórzano, responsable de Perfeción Técnicas de Condución (PTC), empresa encargada de xestionar o circuíto da Pastoriza e levar a cabo estes cursos de condución segura.
Un dos obxectivos principais destas xornadas, que se celebrarán este sábado no circuíto da Pastoriza, é ofrecerlle ás persoas con discapacidade física a posibilidade de aprender a manexar en condicións adversas vehículos adaptados ás súas necesidades. O vicepresidente nacionalista destacou “o interese deste curso para todos os cidadáns, sobre todo nun país cunha climatoloxía tan adversa como noso”. “A seguridade vial é un tema que nos preocupa na Vicepresidencia da Deputación, xa que ademais o mundo do deporte do motor está moi afincando na nosa provincia e contamos con moitos afeccionados e pilotos. A nosa é unha aposta clara pola condución segura, por este mundo do motor e por suposto por colaborar con aquelas persoas con condicións diferentes, que poden desenvolver con todas as garantías este curso grazas a que no circuíto da Pastoriza contan cun vehículo adaptado”, apuntou Antonio Veiga.
Parte teórica, aspectos mecánicos básicos e condución en situacións adversas
O curso de condución segura comporase dunha parte teórica, na que se explicarán cuestións técnicas de condución e conceptos básicos de mecánica, e outra práctica, que se levará a cabo no propio circuíto e servirá para traballar aspectos como a perfección ao volante, así como para coñecer de primeira man situacións de risco que poden aparecer durante a circulación. “Imos ensinarlles condución en estrada, pero tamén a mirar o aceite do coche ou a cambiar as rodas. Despois de que máis de 300 persoas pasaran por estes cursos, dámonos conta de que a gran maioría non sabe o funcionamento real dos diferentes sistemas de seguridade dos vehículos, sistemas que sabendo utilizar correctamente evitan accidentes e salvan vidas”, explicou Avelino Basanta.
“Estes cursos debían ser obrigatorios despois de sacar o carné”
O piloto de rallys agradeceu a colaboración da Vicepresidencia da Deputación de Lugo e defendeu que este tipo de cursos “debían ser obrigatorios unha vez sacado o carné de conducir”. “Os condutores mais novos, que acaban de sacar o permiso de circulación, pódese dicir que aprobaron un exame, pero á hora de enfrontarse á estrada no día a día non están preparados nin concienciados cos demais condutores, polo que un curso, no que poidan aprender nocións básicas dun vehículo (dispositivos de seguridade, mantemento básico, cambiar rodas, etc), técnicas de condución e ao mesmo tempo estar en contacto con persoas que poidan ser mais “torpes” a hora de conducir, ou ben con limitacións, pode ser unha boa lección de humildade e concienciación”, afirmou.
“As persoas con discapacidade, téñeno mais complicado a hora de sacar o permiso de circulación, e non digamos a hora de facer un curso de condución, xa que e difícil encontrar autoescolas e circuítos adaptados as súas necesidades, por poñer un exemplo, na provincia de Lugo, e dende fai poucos anos, só existe unha autoescola con vehículo adaptado”, explicou.
En relación ao terceiro grupo ao que vai dirixido o curso, as persoas maiores, Avelino Basanta afirmou que “as persoas maiores de 60 anos, fai tantos tempo que sacaron o carne e cambiaron tanto as normas e sistemas de seguridade dos vehículos que cremos firmemente que necesitan de estes cursos de actualización para refrescar a memoria e familiarizarse coas novas tecnoloxías”.
Concienciación dos condutores noveis sobre os riscos ao volante
Avelino Basanta tamén destacou a importancia de que estes tres grupos se coñezan entre si e saiban das dificultades que cada un deles pode atoparse ao volante. “Son tres grupos de risco e sempre procuramos que coincidan, mesmo no propio vehículo, para cada un vexa as habilidades dos outros e se dean conta de que, por exemplo, non se lle pode meter presa á xente maior. Por iso tamén facemos a comida todos xuntos e incluímos unha pequena charla, para que falen entre eles e coñezan as inquedanzas que teñen cada un dos grupos”, apuntou Basanta. A xornada dividirase nunha quenda de mañá e outra de tarde, e dun xantar-charla ao mediodía no que persoas con discapacidade concienciarán aos condutores noveis sobre os riscos ao volante.
A cada curso poderán asistir un máximo de 30 persoas, tendo preferencia as persoas con discapacidade. Aqueles que o desexen aínda están a tempo de apuntarse. A inscrición é gratuíta para os tres colectivos aos que se dirixe: persoas con discapacidade, condutores noveis e maiores de 60 anos. Poden inscribirse ou recoller máis información no número de teléfono 600527756, ou a través do seguinte enderezo electrónico: basanta.sport@gmail.com. As prazas están limitadas a 30 participantes, aínda que aquelas persoas que queden fóra nesta edición quedarán anotadas nunha listaxe preferente de cara a vindeiras edicións.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
