A Mariña, 8 de xuño de 2015. O BNG reitera novamente no Congreso a necesidade de dotar, con urxencia, de solucións aos continuos cortes de tráfico no tramo da A8 aberto hai pouco máis de un ano.
Con unha iniciativa da deputada Rosana Pérez, o Bloque Nacionalista Galego pregunta ao goberno do Estado cando ten pensado afrontar esta problemática dun xeito serio e rigoroso, adoptando máis medidas que a colocación de balizas luminosas e carteis sinalizadores.
O BNG sinala na iniciativa que “o Ministerio de Fomento sempre adopta a mesma estratexia simplista: limítase a cortar a circulación cando a zona está envolta en néboa. En todo este tempo, non adoptou ningunha solución técnica e iso que o BNG levou a debate en setembro pasado unha proposición non de lei, demandando medidas de seguridade máis eficaces e avanzadas na A8.”
Desde o BNG aseguran que actuaron con previsión “crendo que Fomento empregaría o outono e inverno para resolver a situación e ter novas medidas listas para a primavera deste ano.” Porén lamentan que “o Partido Popular se negara a aceptar a iniciativa presentada polo BNG.”
A responsable comarcal do BNG lamenta que “as únicas solucións que se puxeran en marcha foran a colocación de balizas e carteis e dun radar de tramo con un afán claramente recadatorio, tendo en conta que a utilización da autovía só se produce con condicións meteorolóxicas favorables e, polo tanto, o radar non ten carácter disuasorio ningún nin ten como fin garantir a seguridade viaria.”
Desde a formación nacionalista califican de preocupante unha autovía de recente construción, e con unha inversión de 192 millóns de euros nun tramo condenado a estar pechado día si e día tamén, que só xerou problemas e que se utiliza intermitentemente, desviando a circulación pola N634 que soporta un tráfico para o que tampouco cumpre as condicións óptimas.
Nas preguntas que se dirixen ao goberno do Estado, o BNG tamén cuestiona que pasou co anunciado concurso de ideas de innovación e desenvolvemento para aportar posibles solucións, que “desde que se anunciou por primeira vez, nada se ten avanzado máis que anuncios baleiros de contido.”
O Bloque Nacionalista Galego pídelle ao goberno do Estado que “se tome en serio este problema e adopte as medidas precisas para que unha autovía recén estreada estea continuamente pechada ao tráfico”.
Iniciativas no concello de Mondoñedo reclamando solucións.
O BNG anuncia tamén que esta cuestión será prioritaria na labor municipal nestes catro anos, como o foi durante a etapa na que ocuparon responsabilidades no goberno municipal, reclamando solucións definitivas.
Así, o grupo municipal nacionalista presentará iniciativas para que a corporación municipal se manifeste ao respecto e se dirixa ao Ministerio de Fomento para reclamar con urxencia solucións, tal e como se ten feito desde o goberno municipal encabezado pola formación nacionalista.
Desde o BNG agardan que “a sintonía entre o goberno do Estado e a futura alcaldesa de Mondoñedo se reflicta nun cambio de actitude do goberno de Estado e se dignen a atender esta situación que ningunearon e obviaron sempre que se plantexou por parte do ata agora alcalde de Mondoñedo, Orlando González, quen destacou pola súa insistencia e preocupación por lograr unha solución a este problema que nunca atenderon os responsables do Partido Popular.”
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
