Burela, 15 de xuño de 2015.- O ata agora xuvenil Hélder Gonçalves Semedo (Cabo Verde, 1996) defenderá o CD Burela FS Pescados Rubén de Primeira División LNFS as tres próximas tempadas. O prometedor xogador, que xa defendeu a elástica laranxa na máxima categoría en 2014-15 con minutos de responsabilidade, estivo apoiado polo presidente, Manuel Blanco, e o secretario técnico, Juanma Marrube, na formalización do contrato.
“Estou moi feliz, medrei neste club e o meu desexo é seguir aquí moitos anos máis”, expresou Hélder, recoñecéndose afortunado pola confianza do club, que xa lle brindou a oportunidade de internarse na dinámica sénior a comezos da campaña pasada. “O Burela FS deume a oportunidade de adestrar co equipo; eu sabía que era moi difícil entrar nalgunha convocatoria, pero as circunstancias, coas lesións, adiantaron a miña estrea e souben responder. Foi un ano de moita aprendizaxe; fun de menos a máis e espero seguir aprendendo e medrando a próxima tempada” prometía o 30 burelista, consciente das novas esixencias no banco, coa chegada de Daniel Ibañes: “Vou dalo todo, adestrando día a día, e demostrarei que pode confiar en min” asegurou o peche mariñán.
Manuel Blanco e Juanma Marrube destacaron a “condición física, a versatilidade e o manexo de balón” de Hélder. “É un xogador da casa, formado na ED Burela FS, con moitas posibilidades. Equilibrando talento e actitude, espéralle un futuro moi prometedor por diante”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
