Xoves 25 de xuño de 2015.- Preto de 600 promesas do fútbol sala de base lembrarán a Rodrigo Maseda Lozano na cuarta edición do Memorial que honra o policía nacional burelao falecido na praia coruñesa do Orzán en 2012. Así o deu a coñecer este xoves, no Thalasso Cantábrico Las Sirenas de Viveiro, o presidente da Fundación Imdecum, Marcelino Luna, na presentación da programación da cita que reunirá o mellorciño do futsal na Mariña a próxima semana, entre o 2 e o 5 de xullo.
Coas marabillosas vistas da ría de Viveiro ao fondo, o acto tivo o privilexio de contar coa presenza da mai do homenaxeado, Isabel Lozano; tamén participaron os concelleiros de Viveiro, Xove e Cervo, Emilio Villarmea, Cristina Iglesias e José Ramón Soto, e o alcalde de Burela, Alfredo Llano, e o seu edil, Ramiro Fernández, así como o presidente do CD Burela FS Pescados Rubén, Manuel Blanco, e o delegado de Participación Cidadá da Policía Nacional de Viveiro, Pablo Rodríguez.
“Seguindo dúas das máximas de Imdecum, a promoción do deporte base e o turismo de calidade, o Memorial cumprirá a súa cuarta edición sendo un éxito. Cada ano damos un paso máis; en 2015 ampliamos a competición un día, incorporamos a sede de Viveiro e tamén sumamos unha categoría, a Prebenxamín. Esperamos seguir medrando e que en 2016 poidamos incluso traer equipos femininos e engadir algún concello máis” explicaba Marcelino Luna a evolución do torneo, destacando a presenza de “preto de 600 deportistas, máis de 300 con pernoctas, cos que virán uns 500 familiares e acompañantes”.
Os representantes municipais presentes coincidiron en trasladar os seus parabéns a Imdecum polo crecemento da cita deportiva e reafirmaron o seu apoio en edicións futuras, tendo o Memorial como un escaparate da Mariña para os centos de nen@s que se achegan á comarca xunto ás súas familias.
“Rodrigo era un grande amante do deporte e tamén un relacións públicas da Mariña, sempre levaba Burela alá a onde fora. Estaría moi orgulloso de que unha iniciativa tan preciosa levara o seu nome” recoñeceu a nai do policía.
Tras as emocionantes palabras de Isabel, o presidente de Imdecum pechou a presentación agradecendo a colaboración das institucións, tanto da Deputación de Lugo coma dos municipios de Burela, Foz, Cervo, Xove e Viveiro, ademais do CD Burela FS Pescados Rubén; Marcelino Luna tamén quixo dar as grazas ao hotel Las Sirenas e ao seu director, José Pereira, pola cesión das instalacións para acoller a cita de hoxe e sobre todo pola firme aposta do complexo na organización do Memorial.
52 equipos
Segundo a información facilitada polo director técnico deportivo de Imdecum, Alfonso Mera, A Mariña recibirá un total de 52 equipos entre prebenxamín e xuvenil, de 16 clubs procedentes non só de Galicia, senón tamén de Asturias, Castela e León, Castela A Mancha e Madrid. Tras a reunión técnica do xoves, 2 de xullo, o venres comezará a rodar o balón para os mariñáns CD Burela FS Pescados Rubén, ACD Xove, SD Xove, AD Praia de Covas, ADC Os Fornos Superti, AD Santiago de Foz, AFD Porto de Burela e A Mariña FS; os coruñeses Troula FS e Unidad Fene FS; o pontevedrés ED Vigo 2015; o ourensán ED Celanova; o asturiano EFS Siero FS; o valisoletano CD Tierno Galván; o guadalaxareño CD Brihuega FS e o madrileño UD Las Rozas Boadilla. Os pavillóns Vista Alegre e Monte Castelo (Burela), Marzán (Foz), A Veiga (San Cibrao) e os municipais de Xove e Viveiro serán testemuñas da fase de grupos e cuartos ata o sábado, xornada que concluirá cun clínic e partido das Estrelas. O domingo, Burela decidirá o palmarés.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
