Santiago de Compostela, 17 de xullo de 2015.- Darío Campos Conde, Álvaro Santos Ramos, Pilar García Porto, Pablo Rivera Capón, Sonsoles López Izquierdo e Lino Rodríguez Ónega, Deputados Provinciais do Grupo Provincial Socialista na Deputación de Lugo, participan este venres na manifestación en defensa dos produtores de leite. “Participamos nesta protesta en Santiago de Compostela, organizada pola Plataforma en Defensa do Sector Lácteo, en apoio aos gandeiros da nosa provincia, que están a atravesar unha situación insostible froito do abandono por parte das principais administracións con competencias na materia, Goberno Central e Xunta de Galicia”, explicou o vicevoceiro do PSOE Santos Ramos.
“Necesitamos que os Gobernos de Rajoy e Feijóo actúen con contundencia e celeridade para romper con esta dinámica, na que as 15.000 explotacións de leite que están en activo en Lugo non só están deixando de ganar beneficios, senón que están abocadas a súa desaparición. Isto será un drama para unha provincia coma a nosa que vive do rural, pois o lácteo é un sector estratéxico para o desenvolvemento económico de Lugo, que xera uns 25.000 emprego mediante a produción de máis dun millón de toneladas de leite ao ano, que representan preto da metade do leite galego”, subliñou o Santos Ramos.
“Esperamos ver a Elena Candia na manifestación en Santiago, exercendo de Presidenta da Deputación de Lugo e defendendo os intereses dos gandeiros da nosa provincia. Esixímoslle que diga alto e claro se vai a cumprir co acordo unánime do Pleno Provincial, no que aprobamos medidas concretas en defensa do sector lácteo”, engadiu o socialista.
Proposta do PSOE aprobada polo Pleno
Santos Ramos fixo referencia, deste xeito, á proposta que o PSOE levou ao Pleno Provincial do pasado mes de abril e que acadou o apoio de todos os grupos políticos con representación na Corporación Provincial (PSOE, PP e BNG). Con esta iniciativa, a Deputación de Lugo comprometeuse a instar ao Goberno de España a modificar o Real Decreto 125/2015, do 27 de febreiro, polo que se modifica o Real Decreto 1363/2012, do 28 de setembro, que regula o recoñecemento das organizacións de produtores de leite e das organizacións interprofesionais no sector lácteo e se establecen as súas condicións de contratación, para que:
• Se introduza a figura do mediador, e fortes sancións para que a industria non fixe os prezos de xeito unilateral, nin impoña contratos á baixa.
• Incorpore como referencia o volume obxecto do contrato, o leite producido nos últimos doce meses anteriores ao contrato, garantindo a recollida e prohibindo o dobre prezo para este volume.
• Se elabore un Plan de Inspeccións claro e con seguimento periódico:
– Nas superficies comerciais, para vixiar o cumprimento da lei da cadea alimentaria.
– De control das importacións.
– De cumprimento do Real Decreto 125/2015.
• Elaborar un programa de crédito que axude aos produtores de leite a adaptarse ao mercado sen cotas e establecer un seguro de rendas subvencionado para afrontar a situación de vulnerabilidade en que se encontran co fin do sistema de cotas.
• Establecer un foro permanente de representación dos produtores, a industria, a distribución e os consumidores do sector lácteo liderado polo Ministerio de Agricultura, Alimentación e Medio Ambiente.
• Definir e regular un sistema de trazabilidade do leite e dos produtos derivados do sector lácteo en España que permita asegurar o seguimento dende o produtor ata o consumidor.
• Mellorar a etiquetaxe para que permita ao consumidor valorar a procedencia do leite.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
