O C.D.Foz continúa o seu curso deportivo, sen présas pero sen pausas. Segundo o seu presidente, Pepe Rivera, “de momento no plano deportivo imos acertando na preparación do equipo para a competición. Así, nos tres partidos de pre-temporada lograron vencer ante o Tapia, Lorenzana e Candelaria; aínda que restando importancia ós resultados porque o importante é poñer o equipo a punto para o inicio da temporada o domingo 6 de setembro contra a S.D. Mindoniense”.
O club está a preparar varias iniciativas como un gran encontro para todas as categorías coa celebración dunha merenda-cena, preparada pola propia directiva, no Martínez Otero para dar o pistoletazo de saída dos equipos nas distintas categorías. E, por outro lado, tamén traballan nos partidos amigables pendentes que serán contra o Real Navia e o Arenas de Vega de Ponferrada.
A directiva porase mans á obra para mellorar o Martínez Otero. O presidente asegura que “non podemos esperar pola axuda do Concello para facer estes traballos, pois segundo nos comunicaron están enfrascados na temporada estival e faltan efectivos”. Por iso, “pedimos a colaboración de persoas que de maneira altruísta traballan en varias frontes. Primeiro, en temas de albanelería e de pintura, os traballos comezarán este venres e, o sábado continúan coa pintura nas gradas”. Nese sentido, dende o club “queremos agradecer ós donantes do material, así como ás persoas que van a traballar”. Igualmente, “o propio presidente e os membros da directiva tamén vestirán a funda para axudar no que sexa preciso porque queremos facer do noso club un lugar de encontro e de participación entre os nosos afeccionados”.
Campaña de soci@s
As persoas interesadas en facerse soci@s do club poden poñerse en contacto coa directiva. “Debemos arrimar o ombro, na medida do posible, para seguir apostando polo noso Club Deportivo Foz”, concluíu o presidente.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
