Cervo, 18 de agosto de 2015. O BNG – ASEMBLEAS ABERTAS saíu ao paso das declaracións efectuadas polo Partido Popular de Cervo, nas que este intentaba desvirtuar o éxito da X edición da Festa do Ovo Frito, acusando á formación nacionalista de querer politizar a festa. Para iso o PP cervense mestura intencionadamente a representatividade política do edil nacionalista Ramón Luís Bernardo Insua, co seu traballo como directivo da S.D. Cervo-Sargadelos, que é a asociación encargada de organizar a festa desde hai dez anos.
Os populares equivócanse cando ven finalidade partidista detrás da colocación de varias bandeiras galegas no escenario da actuación do grupo, xa que esas bandeiras foron colocadas por persoas alleas á organización da festa, polo que Ramón Luis Bernardo Insua nega calquera responsabilidade da S.D. Cervo-Sargadelos na súa colocación. Deste xeito, para o BNG-AA, o Partido Popular confunde a súa propia forma de actuar coa dos demais partidos, e neste caso erran profundamente. Doutra banda, as bandeiras galegas colocadas no escenario nin son ilegais, nin son alleas ao territorio, xa que se trataba de bandeiras galegas semellantes ás que ondearon e seguen ondeando en toda a Praza do Souto durante os días de festa. Desde o BNG-AA considérase que a presenza das bandeiras galegas no escenario só pode molestar a mentes de escasa conciencia democrática, as únicas que poden velas como ofensivas, a non ser que volvamos a tempos pre-democraticos”, afirma Bernardo Insua.
O edil nacionalista que ademais é directivo da S.D. Cervo-Sargadelos quere deixar claro que a representatividade política que neste momento ten asumida non se mestura coa súa participación na directiva do club de fútbol: “En ningún caso vou converter a miña participación nesta directiva nun apéndice do meu ideario político, algo que por certo si fai o Partido Popular de Cervo, que é o campión no control político de asociacións e festas populares. Abonda pensar nalgunha festa do concello, cunha comisión presidida desde hai máis de doce anos por edís do PP”.
Por último desde o BNG–AA pídenlle ao Partido Popular, como soporte do goberno local cervense, que trate da mesma maneira a todos aqueles colectivos que traballan desinteresadamente polo ben do concello e pola súa dinamización, independentemente de se estas están ou non baixo o seu control. “Ás veces dá a sensación de que ao PP o único que lle interesa é o control social e a eliminación daqueles actos e festas que non lles bailan as augas”, manifestou Bernando Insua, e isto chámase fascismo. Cómpre lembrar que a Festa do Ovo Frito un ano máis logrou un grande éxito, tanto na dinamización e promoción do concello, como no obxectivo de obter fondos económicos para o deporte.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
