Cervo, 4 de agosto de 2015.- O BNG – ASEMBLEAS ABERTAS en Cervo segue agardando polas explicacións do goberno municipal solicitadas en reiteradas ocasións no último pleno municipal para entender o cuantioso suplemento de crédito por importe de 315.000 euros aprobado en solitario polo Partido Popular. A formación nacionalista volve reclamar as explicacións negadas e considera que o goberno local busca ocultar que o fondo deste gasto extraordinario está na falta de planificación dos orzamentos 2015 e no uso sospeitosamente electoralista do orzamento municipal.
O BNG – AA en Cervo volve pedir ao goberno municipal explicacións sobre o exceso de gasto executado con cargo ao orzamento 2015 que o leva a tramitar un suplemento de crédito de tal dimensión que mesmo supera en 5.000 euros as previsións existentes en investimento real para todo o exercizo. Tamén piden aclaracións sobre a modificación de partidas económicas incluída noutro punto do mesmo pleno por importe de 35.000 euros que supón a diminución no gasto previsto en amortización de xuros e préstamos para pasar a engrosar a partida de gastos diversos que xa era voluminosa e contaba con 104.000 euros no orzamento 2015 e serve ao goberno local para usos diversos sen destino concreto.
A formación nacionalista tampouco se explica como se incrementa nun 50% a partida para becas FEUGA cando en 2014 sobraron cartos, o incremento de gasto en material ordinario non inventariábel que sobe un 138% ou o incremento dun 47% para traballos realizados por outras empresas.
Desde BNG – ASEMBLEAS ABERTAS teñen claro que o goberno local oculta datos sobre o exceso de gasto planificado nos orzamentos 2015 por razóns que deberan explicar mais levan a sospeitar que boa parte deste exceso ven motivado polo uso indiscriminado de fondos públicos para usos electorais nun ano onde xa se produciron unhas eleccións e están previstas outras no segundo semestre do ano. Por outra banda é evidente que na redacción dos orzamentos 2015 existiu mala planificación do gasto como demostran os cuantiosos incrementos en determinados conceptos opacos como “outros gastos diversos”, “material ordinario non inventariábel” ou “traballos realizados por outras empresas” que son caixóns de xastre onde colle todo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
