Cervo, 26 de agosto de 2015.- O embalse de Riocobo acollerá o campionato de España de motonáutica por radiocontrol térmico os días 5 e 6 de setembro. Esta proba foi presentada polo alcalde de Cervo, Alfonso Villares Bermúdez; polo concelleiro de Deportes, José Ramón Soto Martínez; e polo representante da Federación Galega de Motonáutica José Soto Peña.
O concelleiro de Deportes cervense explicou que na competición participarán “lanchas cunha lonxitude aproximada duns 1,20 metros e que alcanzan ata os 120 quilómetros por hora. As probas distribúense en catro categorías: ata 3,5 centímetros cúbicos; de 3,6 a 7,5; de 7,6 a 15; e de 15,01 a 35. O número máximo de participantes por categoría non poderá ser superior a 15. Correranse tres mangas por categoría, das que puntuarán as dúas con mellores resultados. En caso de empate terase en conta a puntuación da terceira manga. O circuíto consistirá na habitual M usada neste tipo de competición, de 100 por 50 metros aproximadamente. O sistema de saída e o número máximo de embarcacións na regata indicarase na reunión de pilotos, previa ao inicio da competición”.
José Ramón Soto destacou que “recibirán trofeos, aportados por casas comerciais de San Cibrao, os tres primeiros clasificados de cada categoría. Os tres mellores pilotos da proba disputarán o campionato do mundo no vindeiro ano 2016”.
O edil engadiu que “todos os participantes terán que estar en posesión da correspondente licenza de piloto, co selo de habilitación da Real Federación Española de Motonáutica correspondente ao ano 2015. Non existe límite de idade para os pilotos, pero os menores de 18 anos deberán aportar autorización do titor legal”.
O horario das probas será: o sábado 5 de setembro a partir das 10 da mañá empezaranse a formalizar as inscricións e haberá adestramentos libres ata as 13 horas. A partir das catro e media da tarde comezarán as mangas de cada categoría. E o domingo, día 6, de 09 a 10 horas formalizaranse as inscricións e a partir das 10 da mañá realizaranse as mangas restantes.
Todas as lanchas deberán estar provistas dun sistema silenciador efectivo e suficiente como para no emitir un volume de son superior aos 85 decibelios a unha distancia de 22 metros. A verificación de cascos e motores levarase a cabo dentro do mesmo horario que a confirmación de inscricións. Cada participante deberá dispor do seu propio xogo de números (veletas) do 1 ao 12 e a correcta suxeición para os mesmos.
A reunión de pilotos, para a cal a asistencia é obrigatoria, celebrarase unha vez acabada a confirmación de inscricións ou inmediatamente antes de iniciarse a competición. Haberá un comité de regatas que estará formado por: comisario xeral, secretaria de regata, cronometraxe, comisario de boias e rescate. Tamén haberá un xurado, composto por presidente, secretario, un membro acreditado da federación autonómica, que en ningún caso poderá ser un piloto participante na proba.
O concelleiro de Deportes rematou comentando que “por parte do Concello de Cervo valorase moi positivamente que se elixira o noso municipio para realizar esta competición de carácter nacional, xa que aparte de poder gozar de experiencias novas en esta zona, representa un importante tirón turístico, pois os participantes veñen de distintos lugares da xeografía española. Ademais todas aquelas persoas da zona que queiran poderán acercarse a presenciar as competicións, xa que o acceso é totalmente gratuíto”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
