Lugo, 26 de agosto de 2015.- Os Deputados provinciais socialistas Pablo Rivera Capón, Sonsoles López Izquierdo, Álvaro Santos Ramos e Pilar García Porto denunciaron este mércores o novo caso de destrución de postos de traballo na provincia por parte de Elena Candia, que é a Presidenta que máis emprego destruíu en menos tempo.
Os socialistas remarcaron que a obsesión de Candia por destruír todo aquelo que fixo o Goberno de Besteiro conlevou a que a Presidenta popular deixase sen candidatos para traballar unhas 60 empresas da provincia, que resultaron beneficiadas do Ben Empregado II. É dicir, ás que a Deputación de Lugo lle subvenciona a contratación de desempregados lucenses para traballar nas mesmas, impulsando os seus negocios e facendo fronte ao paro.
“O pasotismo, a desidia e a paralización na que Candia mantén á Deputación de Lugo supuxo que ningún desempregado lucense optase aos postos de emprego que ofrecen unhas 48 empresas da provincia, mentres que outras 12 entidades se atopan en semellantes condicións, posto que, ou ben tampouco se presentaron practicamente ningún candidato, ou ben os que o fixeron non entregaron a documentación correspondente para poder traballar nelas”, explicou Rivera Capón.
Empresas de toda a provincia e empregos en todos os sectores
Os socialistas fixeron as seguintes preguntas: 1.- Como é posible que dos case 21.000 parados que hai na provincia ningún queira traballar en 60 empresas de toda a provincia? pois son entidades sitúanse nas Comarcas da Mariña, Chantada, Os Ancares, Lugo, A Fonsagrada, Meira, Terra Chá, Quiroga, Ulloa, Lemos ou Sarria. 2.- Como é posible que os case 21.000 desempregados lucenses non opten a empregos en todos os sectores produtivos?, pois hai postos de traballo nos sectores da agricultura, gandeiría, silvicultura, pesca, hostalería, comercio, industria manufacturera e construcción. Algúns exemplos dos postos que quedaron vacantes son, entre outros, peluqueiros, camareiros, pintores, enxeñeiros agrónomos, peón agrícolas e gandeiros, asesores laborais e fiscais, albaneis, cociñeiros, tractoristas, mecánicos, etc
Situación incomprensible co equipo de profesionais públicos
“É incompresible esta situación, cando a Deputación de Lugo conta con un magnífico equipo de traballadores públicos para desenvolver o Ben Empregado, tal e como o demostraron na súa primeira edición. É un equipo de profesionais cualificado, renovado -recentemente se incorporaron novos traballadores- e moi preparado. Polo tanto, Candia demostra que non sabe xestionar os recursos da administración, así como o absoluto descoñecemento do funcionamento da Deputación”, salientou Rivera Capón.
Explicacións e recorrer ao INEM de xeito inmediato
“Ante esta situación, esiximos a Candia, primeiro, explicacións e, segundo, que de xeito inmediato recorra ao INEM para cubrir estes postos de traballo. Temos que alertar a Candia que, tal e como recollen as bases do Ben Empregado, no case de que os postos queden baleiros é posible recorrer ao INEM para non destruír estes emprego. Fagao xa”, reclamaron os socialistas.
Besteiro creaba emprego e Candia destrúeo
Candia é a Presidenta que máis desempregou creou en menos tempo. En só dous meses, que son os que leva na Presidencia, Candia xa destruíu 135 empregos nas profesións con máis futuro na provincia ao perder 90.000 euros de fondos europeos para 9 accións formativas remuneradas e con prácticas en empresas do Pacto Provincial polo Emprego, dirixidas a desempregados. “E miren en que situación mantén o Ben Empregado II, que crea emprego de calidade para 350 desempregados lucenses”, apuntaron. Os Deputados do PSOE remarcaron “fíxense a diferenza: Besteiro creaba emprego e Candia destrúeo na súa obsesión por poñer fin a proxectos do Goberno progresista: os plans de emprego, o centro de recría público, os centros da terceira idade….”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
