Lourenzá, 28 de agosto de 2015. Os concelleiros de PSOE e BNG na corporación municipal de Lourenzá decidiron renunciar ao cobro de dietas polo asistencia ao pleno extraordinario celebrado na tarde noite de onte.
A alcaldesa, Rocío López, explicou que “o pleno celebrado onte na Casa do Concello de Lourenzá foi de carácter extraordinario motivado, entre outras razóns, pola necesidade de tratar diversos temas de carácter urxente. Ante o malestar xerado por parte dos concelleiros do Partido Popular, BNG e PSOE poñen de manifesto a súa intención de renunciar as dietas por asistencia a dita sesión e así o fan constar en acta. Distinta foi a actitude do Partido Popular que expresou o seu desacordo coa celebración de dito pleno extraordinario, argumentando que non era necesaria, pero logo actúa de xeito pouco coherente e deixan clara a súa postura de cobrar por asistir a dita sesión”.
A rexedora municipal engadiu que neste pleno “deuse conta, entre outras cousas, dos informes de Secretaría-Intervención acerca do período medio de pago a provedores, execución do presuposto e plan de axuste do primeiro e segundo trimestre do 2015. Ademais deuse conta da liquidación do presuposto do exercicio 2014. Outro dos temas a tratar na sesión foi a elección do xuíz de paz titular do Concello de Lourenzá, que, tras a aprobación por unanimidade dos 11 concelleiros presentes, é José López Fernández. A maiores de todo o anterior aprobouse, tamén por unanimidade e cun engadido do BNG, unha moción do grupo municipal socialista sobre a regulación dos festexos populares en Galicia”. Sobre este asunto Rocío López manifestou que se sinte “contenta e orgullosa de que esta moción fose aprobada cun consenso unánime dos tres grupos políticos do concello. En Galicia, a diferenza doutros lugares de España, son os veciños os que organizan, xestionan e financian as festas populares que se celebran nas súas parroquias. Son consciente do enorme traballo que supón isto para os meus veciños, que cada día se atopan con máis trabas á hora de organizar as súas festas. As circunstancias actuais que afectan a este sector poñen en risco a súa supervivencia. Dende o grupo municipal socialista decidimos presentar esta moción instando ó Goberno galego e de España en demanda dunha regulación fiscal que atenda as peculiaridades do sector e dunha revisión da lexislación de espectáculos e das licencias que son hoxe tan restritivas coa actividades das orquestras e das festas populares”.
A alcaldesa tamén comentou que “outro dos temas a tratar na sesión de onte foi a modificación da ordenanza reguladora da venda ambulante incorporando dous puntos máis no apartado 15.1.bis i) referente ás obrigas dos produtores titulares dos postos dos mercados periódicos dominicais, aprobada tamén por unanimidade. Relacionado con este tema, queda sobre a mesa para un posterior estudo a modificación da ordenanza fiscal reguladora da taxa polo servizo municipal de mercado. Tamén se aprobou facer unha declaración institucional por unanimidade dos once concelleiros presentes en defensa do sector lácteo galego a partir da moción presentada polo Partido Socialista. A situación que están a vivir as explotacións de leite galegas, obrigadas a vender a uns prezos que non cobren nin os custos de produción, fai que sexa insostible e pon en perigo a supervivencia do sector. Por iso é preciso unirnos todos e sumar esforzos para loitar en defensa dos intereses dos gandeiros galegos, para que garantir que todas as persoas que viven, dun xeito directo ou indirecto, do leite poidan facelo dignamente”.
Por outra parte, Rocío López manifestou que lamenta “as condicións e as formas pouco idóneas, a través dunha mensaxe de whatsapp, que utilizou o Partido Popular para poñerse en contacto comigo, o venres pola mañá, para mostrarme a súa intención de incluír no pleno unha declaración institucional contra a violencia de xénero. A violación dos dereitos humanos é un tema moi serio, polo que non me parecen formas presentar ese texto por unha mensaxe de whatssapp. Neste senso, o Partido Socialista tendeu a súa man para reunirse cos concelleiros da oposición e elaborar unha declaración institucional contra a violencia de xénero, que sexa realizada conxuntamente e por consenso dos tres grupos políticos, pero de xeito serio e rigoroso”.
A rexedora rematou lamentando “o ambiente tenso que se viviu no pleno de onte, onde a portavoz do Partido Popular, a señora Emma Álvarez, mostrou pouco respecto e tentou en reiteradas ocasións desprestixiar ao equipo de goberno, e máis concretamente a algún concelleiro. Lamento ter que vivir esta situación; os que me coñecen saben de sobra que eu non son para nada dese estilo. Estamos aquí para traballar e facer cousas para os nosos veciños e para Lourenzá, non para desprestixiar a ninguén, como fai o Partido Popular. Todos os grupos políticos deberíamos traballar no mesmo sentido. Os cidadáns de Lourenzá depositaron en min a súa confianza para dirixir este concello é por iso que estou aquí para traballar, para facelo conxuntamente, pero con respecto, e non penso entrar nas confrontacións políticas ás que nos ten acostumados a señora Álvarez”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
