Burela, 24 de agosto de 2015.- Outra das caras xa coñecidas do CD Burela FS Pescados Rubén 2015-16 chega con aires de Oriente. A ala-pivote Shiori Nakajima, que non puido finalizar a tempada coas laranxas por motivos burocráticos, volve á entidade galega moi ilusionada. “Estou moi contenta por regresar a Burela; sempre foi a miña primeira opción. No meu primeiro ano a integración foi moi boa e estou aprendendo moito en Galicia, dunha cultura moi interesante”. O presidente da entidade mariñá, Manuel Blanco, e o directivo Alberto Fernández aplaudiron a renovación da internacional nipona, que cumprirá a súa segunda campaña na Mariña, salientando “a súa fortaleza e compromiso co equipo”.
O sábado, na segunda cita de pretempada para as mariñás, Shio estreouse na súa conta goleadora, aínda que non lles serviu ás laranxas para facerse coa vitoria en Ourense. A 18 burelista adiantouse no minuto 10, aínda que en dous erros puntuais o Ourense Envialia deu a volta ao marcador (minutos 19 e 31). Na recta final, con Peque abandeirando o xogo de cinco, chegou o definitivo 3-1 para as locais.
Coa axenda aínda aberta para posibles amigables, o cadro de Lucas continuará co seu programa de adestramentos coa mirada posta no 6 de setembro, data do partido de ida de Supercopa de España, fronte ao Atlético de Madrid Navalcarnero (Vista Alegre, 13.00 horas).
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
