Alfoz, 31 de xullo de 2015.- O xoves 31 Xurxo Souto presentou o seu libro Contos do mar de Irlanda no Bar San Pedro de Alfoz.
Comezou intervindo Lionel Rexes para narrar a historia do inmóbel que ocupa o devandito bar, a continuación Xurxo Souto explicou o vínculo entre o Gran Sol e esta taberna alfocesa. No ano 2003, o mariñeiro Emilio Lorenzo rescatou das augas do Gran Sol un escudo do Deportivo da Coruña que despois regalou á Peña Deportivista Pardo de Cela, colectivo con sede no Bar San Pedro.
O presidente da devandita Peña, Enrique Lorenzo “Muro”, elaborou para esta ocasión a comida acostumada nas festas da Peña, lacón asado e pan artesán feito por el mesmo. De tal xeito, o público asistente foi agasallado cuns petiscos ao remate do acto.
Durante o evento, Xurxo Souto entrevistou a varios mariñeiros, entre eles a Emilio Lorenzo, do mesmo xeito deu voz aos dramaturgos Manuel Lourenzo e Xesús Pisón, presentes no acto; pois no libro descríbese a vinculación entre as orixes do teatro galego independente e os mariñeiros do Gran Sol, ademais, Souto comezara a súa intervención facendo referencia a Contos do Valadouro, libro do que son coautores os dramaturgos mencionados xunto a Isaac Ferreira.
O numeroso público adquiriu exemplares de Contos do mar de Irlanda e fixo cola durante case unha hora para que o autor lles adicase o libro.
Fotos: 1) No exterior do bar Emilio Lorenzo e Xurxo Souto.
2) Ao remate do acto X. Souto, Lionel Rexes e Enrique Lorenzo.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
