Lugo, 30 de setembro de 2015.- A delegada territorial da Xunta, Raquel Arias, e o alcalde de Riotorto, Clemente Iglesias, valoraron nunha entrevista de traballo a necesidade de acometer proxectos de mellora de varias estradas e dotación de servizos públicos a núcleos rurais do municipio.
En concreto, o concello solicitou a colaboración da administración autonómica para acometer as obras de reforma que permitan reabrir con normalidade ao tráfico a estrada entre Abelleira e Lamas, que permanece cortada para vehículos pesados por mor dun derrubamento na calzada.
Arias considerou prioritaria esta actuación, que eliminará as restricións de tráfico e permitirá tamén restablecer o percorrido habitual do autobús escolar. A delegada comprometeuse co alcalde a xestionar no menor tempo o apoio da Xunta para a execución das obras, que incluirán a construción dunha escollera no punto no que a estrada cruza o cauce do río Turia.
A delegada territorial asegurou ao rexedor que a Xunta “apoia o desenvolvemento de todos os municipios da provincia, porque somos conscientes das limitacións orzamentarias que teñen os concellos para poder executar este tipo de obras con fondos propios”.
Neste contexto Arias puxo en valor o investimento realizado pola Consellería de Medio Rural neste municipio mariñán que permitiu acometer oito actuacións a través do Plan Marco de mellora de camiños de titularidade municipal por un importe de máis de 82.000 euros.
En concreto, xa se actuou en dous accesos a Praducelo, en outros dous a Ferreiravella, así como ao conxunto etnográfico situado neste mesmo núcleo; ademais de aos lugares de Navallo e Hermida, Comide e Hortovello.
Na mesma liña, salientou que a Xunta sempre amosou a súa disposición a colaborar cos concellos para dotar dos servizos básicos necesarios ós veciños, con máis énfase se cabe naqueles ubicados no medio rural e de menores dimensións.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
