A CIG, sindicato maioritario no Servizo de Vixilancia Aduaneira (SVA) na Galiza, reitera a denuncia a respecto do desmantelamento progresivo do servizo, que ten provocado que na actualidade as costas galegas estean practicamente desprotexidas fronte á entrada de drogas.
Henrique García Outeiral, delegado da CIG, critica que mentres os mandos do Servizo de Vixilancia Aduaneira insisten que nas costas galegas non hai perigo, “os datos revelan o incremento na entrada de droga polas nosas costas”. Así, explica, no que vai de ano son varias as aprehensións de buques con cargamentos destinados a Galiza: Coral I, con 1.500 kg de cocaína; Miguel Santos coa mesma cantidade; Onda Nazarena con 1.900 Kgs nun veleiro; Silver Back con 600 kgs tamén de coca; e dous mercantes con 6.500 Kgs de haxis.
Tendo en conta que as cantidades aprehendidas supoñen, segundo os expertos, o 15% do total de droga que entra pola nosa costa, os datos “son alarmantes. Estas operacións demostran que o tráfico de drogas está totalmente operativo na Galiza mentres se nos “vende” que o perigo está en Levante e Andalucía e que hai que desprazar os medios navais e aéreos para alí”, asevera García Outeiral.
Neste senso, lembra que unha base do SVA emblemática na loita contra o narcotráfico, como a de Vilagarcía, atópase nestes momentos cunha soa embarcación para patrullar a Ría da Arousa. Esta situación débese a que unha das dúas embarcacións de alta velocidade coas que contaba esta base (Colimbo) foi desprazada para Ibiza, “polo que se pode dar a circunstancia de que os narcotraficantes se atopen con total liberdade para facer o seu traballo comodamente”. Por exemplo, no caso de que a embarcación que queda na Ría de Arousa teña que parar por avarías ou por varada.
Con respecto á base de Vigo, a embarcación coa que conta estivo todo o mes de agosto parada por vacacións do persoal, quedando só a embarcación de Marín para a vixilancia das Rías Baixas. “Se a isto lle sumamos que a embarcación de Ribadeo e a de Muros son case inoperativas debido ás moitas avarías que acumulan ao cabo do ano pola antigüidade das mesmas, podemos concluír que agora mesmo estáselle a poñer una alfombra vermella aos narcos para que intenten inundar as nosas costas con droga”. Ao desprazamento da embarcación Colimbo, subliña Outeiral, tamén hai que sumar o avión e o helicóptero Dauphine.
Fronte a isto, a CIG volve demandar que non se desmantele o SVA en Galiza e que se incrementen os medios materiais e humanos, ao tempo que se insiste na necesidade de renovación do cadro de persoal do marítimo “posto que ten una media de idade moi alta”. Situación que a representación da CIG ten denunciado en diversas ocasións.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.