Aberto o prazo de inscrición para as Escolas Deportivas e Culturais da ACD Xove

Xove, 17 de setembro de 2015.- Ábrese o prazo de inscrición para as Escolas Deportivas e Culturais da ACD.XOVE, para a vindeira temporada 2015-2016.

A data tope de inscrición será o sabado día 26 de Setembro e o sabado día 3 de Outubro será a Presentación no Salón de Actos do Concello de Xove. As actividades darán comezo o luns día 5 de Outubro.

A Asociación Cultural-Deportiva “Xove” ACD.XOVE, presenta as seguintes Escolas Deportivas e Culturais:

-Xogos Predeportivos (nenos-as de 3-4 anos)
-Patinaxe Artística ( de 5 ata 16 anos)
-Fútbol Sala (de 5 ata 16 anos)
-Fútbol 8 (de 7 a 12 anos)
-Baloncesto (de 5 a 16 anos)
-Xadrez ( de 6 ata 16 anos)
-Karate ( de 5 ata 16 anos)
-Atletismo de (8 a 16 anos)
-Tenis de Mesa (de 8 a 16 anos)
-Aerobic-Pilates-Zumba (+ de 14 anos e adultos)
-Teatro (de 8 a 16 anos)
-Pintura ( + 9 anos e adultos)

Cada Escola Deportiva forma equipos de competición e participa nas distintas competicions, tanto de Deporte Escolar como ligas Federadas.

As follas de inscrición entregaranse a todolos nenos, nos Centros Educativos do Concello de Xove. Aqueles Socios que non sexan de Xove poderán pasar a recollelas pola Piscina Municipal. Unha vez cubertas poderán entregalas na Piscina Municipal de Xove, no Buzón da ACD.XOVE no Pavillon Polideportivo Municipal ou a calquer membro da Xunta Directiva.

A ACD.XOVE esta formada por preto de 200 familias Socias, nas cales tódolos membros poden participar nas distintas Escolas Deportivas e Culturais que a sua idade lles permita.

Aparte das Escolas Deportivas e Culturais, a ACD.XOVE organiza outras actividades deportivas como poden ser Surf, Sendeirismo, Día da Bicicleta, etc.

A Cota de Socio Anual e de 120.-€, dividida en dous pagos de 60.-€ (pago semestral).
Mais informacion en: www.acdxove.es ou ACD.XOVE en Facebook.