Burela, 25 de setembro de 2015.- O CD Burela FS Pescados Rubén regresará a noite deste venres sen recompensa de puntos de Pamplona tras ver como lle escapaba o empate no último suspiro. Chino conseguiu igualar a contenda ao fío do descanso; o marcador continuou inamovible durante toda a segunda parte ata o último suspiro, cando os locais atoparon o gol da vitoria con xogo de cinco.
“Foi unha primeira parte moi igualada, na que o Burela FS respondeu ben, malia ir por detrás no marcador, soubemos recuperarnos co gol de Chino. Con todo, tras o descanso perdemos o ritmo de xogo e a posesión de balón. Aturamos o empate pero o rival volveu arriscarse con porteiro xogador, por terceira xornada, e esta vez saíulle ben” reflexionaba ao finalizar o encontro o técnico da Mariña, Daniel Ibañes.
Anaitasuna viviu unha cita moi rifada, cun primeiro tramo no que non proliferaron as ocasións de gol, aínda que foron os da casa os que conseguiron adiantarse xa no minuto 4, con Eseverri de volea. A poucos segundos para o descanso, Chino deulles o empate aos laranxas de dobre penalti. Na segunda parte, as imprecisións e pouca fluidez pasáronlle factura ao Burela FS. A falta de pouco máis de tres minutos para o final, o Magna saíu con porteiro xogador e conseguiu os tres puntos sobre a bucina, de novo nas zapatillas de Eseverri.
Ficha técnica
Magna Gurpea Navarra: Raúl, Araça, Yoshikawa, Víctor, Rafa Usín, quinteto inicial; tamén xogaron Eseverri, Jesulito, R. Martil, D. Saldise, P.
Ibarra
CD Burela FS Pescados Rubén: Edu, Isi, Bellvert, Iago Míguez, Antoñito, quinteto inicial; tamén xogaron Hélder, Iago Rodríguez, Chano, Chino
Goles: 1-0, minuto 4, Eseverri; 1-1, minuto 19, Chino (d.p.); 2-1, minuto 40, Eseverri
Árbitros: Del Pozo García // Munez Carpintero. Por Magna recibiron tarxeta amarela Araça e Yoshikawa.
Incidencias: Partido correspondente á terceira xornada da Primeira División da LNFS disputado en Anaitasuna.
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
