Ribadeo, 11 de setembro de 2015. Choferes da Mariña lucense e o Occidente asturiano participarán na primeira edición da Festa dos Condutores en Ribadeo que se desenvolverá este sábado 12 de setembro para celebrar a festividade do seu patrón, San Cristóbal. É un evento promovido pola empresa de transportes ribadense Miana Operadores que conta coa colaboración de Restaurante Casa Foguete, Mediastintas e Hiperauto.
O festexo comezará coa concentración dos vehículos participantes no aparcamento do restaurante Casa Foguete, da parroquia ribadense de Vilaframil, a partir das 16.00 horas. Para as 17.00 horas stá programada unha misa de campaña con bendición dos vehículos; seguidamente iniciarán unha procesión que lles levará por lugares como a praia das Catedrais ou o porto de Ribadeo para regresar á Casa Foguete, onde haberá unha espicha e ás 22.00 horas comezará unha cea baile amenizada por unha orquestra e unha discoteca móbil. Dispoñen de carpa e ademais haberá colchonetas e camas elásticas de balde para os nenos e nenas. O prezo do menú é de 25 euros por persoa e para os nenos ata 10 anos é gratuíto.
O responsable de Miana Operadores, Miguel Ángel Martínez Ríos, explicou que a iniciativa xurdiu da súa empresa e que decidiron organizar a primeira Festa dos Condutores en Ribadeo para esta data, o 12 de setembro, en vez do día no que se celebra a festividade de San Cristóbal, o 10 de xullo, porque “nesa época non podemos facela pois estamos traballando na campaña do amorodo e este sábado foi a data máis adecuada que atopamos por varios motivos, entre eles os permisos de Tráfico que necesitamos para facer a procesión”.
Os organizadores estiman que na concentración e procesión de vehículos participen “entre 80 e 100 camións de todas as empresas que queiran asistir”. Tamén comentaron que “aínda é posible inscribirse para a cea baile porque quedan algunhas prazas libres”. Os interesados deben apuntarse no propio restaurante Casa Foguete.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
