O grupo municipal do PSdeG- PSOE de Ribadeo ven de reunirse este domingo cunha das candidatas admitidas no proceso de selección da convocatoria de técnico de xestión.
“Recibimos unha chamada dunha das candidatas pedindo reunirse con nós ante a súa sospeita de irregularidades no proceso”, explica o voceiro socialista Roberto Ramos.
Nesa reunión a candidata expúxonos as súas dúbidas sobre a transparencia e legalidade no proceso de selección:
1. Comentounos que lle parecía “estraño” que a titulación que se esixía como mínimo para o posto, sendo esta de titulado grao medio ou tres anos de licenciatura, sen especificar especialidade, sendo bastante incongruente coas funcións que veñen definidas no posto que se convoca e nos temarios dos anexos.
2. Respecto á convocatoria para a primeira proba, primeiro cambiouse a data e, a tarde antes da proba, tamén se cambiou o lugar do exame, o cal pode explicar que só se presentaran á proba catro das quince persoas admitidas. Pensa que isto puido “excluír” a algún dos candidatos, xa que non se lles comunicou nominalmente.
3. Tamén lle chama a atención as funcións do posto, en especial o apartado “traballo de apoio á Alcaldía e Concelleiros-Delegados de secretaría particular”, e dálle a sensación de que a praza deseñouse especialmente para unha persoa en concreto.
4. Ademais, reclama que non lle parece honrado nin serio que o tribunal estea composto por persoas que foron compañeiros durante máis dunha década no Concello dunha das candidatas.
Posteriormente, os socialistas examinaron toda a documentación: bases que rexen a convocatoria, listas de admitidos, as convocatorias ás probas e resultados das mesmas “e confirmamos varios dos datos que nos transmitiron”. “E tamén puxemos o tema a disposición dos servizos xurídicos do PSdG PSOE para que comproben a legalidade do proceso”.
“Nós velaremos pola libre concurrencia, a transparencia e a igualdade de oportunidades para calquera persoa que queira optar a un emprego público que vai ser pagado cos cartos de todos os ribadenses, e para que estes cartos non se utilicen para repartir cargos e soldos entre o equipo de goberno (primeira medida tomada polo equipo de goberno nada máis asumir a alcaldía, incrementando este concepto en máis do 100% do gasto) e persoas afíns”, conclúe o voceiro do Grupo Municipal Socialista, Roberto Ramos.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
