9.000 apoios ó sector lácteo galego

Segundo datos facilitados pola Policía Nacional, unhas 9.000 persoas participaron este xoves á mañá nas marchas convocadas polos gandeiros galegos para protestar polo prezo do leite. Segundo as mesmas fontes, a realizada en Lugo chegou a reunir ao redor dunhas 5.000 persoas, mentres que a de Santiago de Compostela chegou a congregar a unhas 4.000, transcorrendo ambas as marchas con total normalidade.