Directivos e técnicos voluntarios de Alcoa San Cibrao visitan este luns 19 de outubro o Instituto de Ensinanza Superior Marqués de Sargadelos para explicar ós alumnos os procesos e sistemas de producción de alúmina e de aluminio que se desenvolven no complexo industrial de Alcoa na Mariña, así coma sobre os valores de Alcoa e os aspectos máis relevantes da industria. A ANPA do centro recibirá así mesmo unha axuda de 3.000 dólares da Fundación Alcoa.
A formación impartirase a alumnos de 3º e 4º ESO, de 1º e 2º Bachillerato e do Ciclo Superior Química Industrial co fin de que coñezan mellor o relativo ás actividades, productos, operacións e prácticas da fábrica, así coma os seus valores de medio ambiente, saúde e seguridade.
A importancia de transmitir ditos coñecementos ó alumnado vén dada pla estreita colaboración académica que Alcoa e o centro educativo veñen mantendo na impartición do Ciclo de Química Industrial, a proximidade física e a relevancia do complexo industrial na comunidade, tanto polo vínculo do gran número de familias de traballadores da fábrica, coma polo tecido socio-económico que se articula no seu entorno.
O programa da sesión formativa iniciarase cunha presentación de Francisco Malla, vicepresidente da ANPA Marqués de Sargadelos e unha introducción sobre as curiosidades científicas do aluminio e a historia da fábrica de Alúmina-Aluminio a cargo de Ana Longarela, profesora do Ciclo Superior de Química Industrial.
Por parte de Alcoa, Vanesa Expósito, supervisora de Medio Ambiente, falará sobre Medio Ambiente e as mejoras que aporta o uso do gas natural como combustible na planta de Alúmina; Miguel Carrillo, Xefe de Seguridade, sobre a seguridad en Alcoa, e Marco Candia, Xefe de Electrolise, explicará o proceso de electrolise.
Así mesmo, organizaranse dúas mesas de traballo formadas por técnicos de Alcoa e alumnos, que profundizarán no coñecemento do sistema de obtención de alúmina, a pegada de carbono e o aforro enerxético. Contarán entre os seus compoñentes con Bárbara Guisasola, Maria Aren, Faustino Rodil e Ignacio Fernández Auro, 4 ex alumnos do instituto que na actualidade son traballadores de Alcoa.
Un grupo de voluntarios da planta de Alúmina encargarase da preparación, loxística e instalación do equipamiento necesario para o desenvolvemento das actividades.
Alcoa e Fundación Alcoa, xunto cos voluntarios da fábrica de San Cibrao, manteñen unha colaboración estreita co IES Marqués de Sargadelos. Como fruto desa colaboración destaca o ciclo Superior de Química Industrial e o proxecto de Formación en Eco-Innovación, así coma outras iniciativas como a formación en seguridade impartida por voluntarios da fábrica.
Esta actividade forma parte do programa de Mes do Voluntariado de Alcoa San Cibrao que a compañía celebra en todo o mundo por décimo ano consecutivo. Fundación Alcoa susténtase dos seus propios activos financeiros e non dos beneficios de Alcoa. O seu principal obxectivo é mellorar a calidade de vida nas comunidades nas que a compañía está presente. Alcoa promove e respalda o voluntariado solidario e a acción social na comunidade dos seus empregados, para o que conta con programas específicos, os plans Acción e Bravo.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
