Burela, 17 de outubro de 2015.- Vista Alegre viviu unha tarde de goles con sabor amargo para o Burela FS Pescados Rubén, que viu escapar unha vantaxe de 6-3 nos últimos tres minutos ante o Jumilla B. Carchelo.
Chino abriu o baile de goles na Bomboneira sen contemplacións tras contra iniciada por Iago Rodríguez. Faltaba un segundo para cumprirse o minuto 5 de xogo; antes Iago Míguez, cun balón que se paseou por diante da liña de meta, e Chano, picando ante Fede, xa deran o toque de atención. Dominaban os de Daniel Ibañes, pero Rubén Orzáez equilibrou o marcador pouco despois, no minuto 6, tras pugna con Edu ao bordo da área. Con todo, os laranxas volveron adiantarse nos seguintes compases cun lanzamento que volveu culminar Chino a pase de Iago desde a banda. Vista Alegre recuperou a igualada para os levantinos no 9, cun disparo de Cristian Louro desde a banda que deixou no chan a Edu. Rozando o ecuador do primeiro acto, Iago Míguez tivo nas súas zapatillas tres balóns de ouro; quedou cravado diante de Fede nun pase de Chano primeiro, non puido materializar tras rexeite de Antoñito máis tarde e tentou a rede de Jumilla cun misil que despexou o corpo do meta rival en última instancia. O merecido tanto asinouno Iago Rodríguez, no minuto 12, aproveitando un rexeite en xogada de estratexia, aínda que de novo o Jumilla volveu recuperarse, con Juandi a pase longo de Orzáez. Jorge perdoou dúas claras ocasións, no minuto 17 cun disparo que se estrelou contra o pau, e no 18, a porta baleira, con Cristian liderando a aposta de cinco dos levantinos. Nos últimos segundos os da casa tamén saíron con porteiro-xogador.
Tralo descanso, os de Burela encamiñaron de novo o partido para levar os tres puntos. Resistiuse o esférico no minuto 24 ante Antoñito, salvando Simón na liña de meta, pero Chano non titubeou no 27 materializando o 4-3 de penalti por man da Macías. Chegaban con claridade os burelistas á área do Carchelo, sen fortuna na finalización, ata que Iago Míguez ampliou a brecha (minuto 31) en galopada con Iago Rodríguez, asistido por Chino; antes Edu salvara o empate. A falta de seis minutos para o final, o Jumilla optou por xogo de cinco e aí chegou o 6-3 de Hélder, que aproveitou o rexeite do pau tras tentativa de Edu a porta baleira. Todo presaxiaba a recuperación da boa senda, pero o rival seguiu apostando polo porteiro-xogador e así puido achegarse máis con goles de Simón e Terry nos minutos 37 e 38. O definitivo 6-6 subiu a falta de 38 segundos para a bocina, con Chino defendendo baixo os paus. Aínda intentou reaccionar o Burela FS con Iago Rodríguez de cinco, sen éxito.
Ficha técnica
CD Burela FS Pescados Rubén: Edu, Iago Míguez, Chano, Jorge, Antoñito, cinco inicial; tamén xogaron Iago Rodríguez, Chino, Hélder, Renato
Jumilla B. Carchelo: Fede, Juandi, Simón, Javaloy, Terry, cinco inicial; tamén xogaron Rubén Orzáez, Cristian Louro, Negro, A. Macías
Goles: 1-0, minuto 4, Chino; 1-1, minuto 6, Rubén Orzáez; 2-1, minuto 6, Chino; 2-2, minuto 9, Cristian Louro; 3-2, minuto 12, Iago Rodríguez; 3-3, minuto 13, Juandi; 4-3, minuto 27, Chano (penalti); 5-3, minuto 31, Iago Míguez; 6-3, minuto 34, Hélder; 6-4, minuto 37, Simón; 6-5, minuto 38, Terry; 6-6, minuto 39, Rubén Orzáez
Árbitros: González Moreta // Sánchez Chamorro (Castilla e León). Por Burela amarela a Jorge (minuto 4), Chano (minuto 16), Iago Rodríguez (minuto 18), Renato (minuto 26). Por Jumilla amarela a Terry (minuto 6), Negro (minuto 11)
Incidencias: Partido correspondente á sexta xornada da Primeira División da LNFS disputado en Vista Alegre, con arredor de 800 afeccionados.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
