O Grupo Teatral “O Centiño” de San Martiño (Foz) fixo a súa presentación o pasado sábado 24 de outubro no local social de Ferreiravella, na súa parroquia, ás 21.00 horas, estreando a súa primeira obra titulada “O Caldeiro Máxico”. Xuntáronse arredor de 100 persoas, que encheron totalmente o espazo destinado ó público e ata se colocaron fóra para poder ver a representación. O Grupo Teatral “O Centiño” está integrado por Luís, María Xosé, Vila, Pepita, Javier, Kevin, Avelino, Cándida, Pepe Beirán, Loli, Lucita, Raquel e Pepe Peinó e ten xa en cartel unha serie de representacións fóra da súa parroquia, que comezarán o vindeiro sábado 31 de outubro, ás 20.00 horas, en Alfoz e que logo seguirán outras: o 20 de novembro en Santa Cilla, o 21 de novembro en Begonte e o 22 de novembro en Ferreira de Pantón. E logo moitas máis representacións, xa que teñen apalabrada algunha máis.
O Centiño estrea “O Caldeiro Máxico”
Relacionado
-
Excarceran unha persoa tras envorcar co seu coche en Pol
-
A Piscina Municipal de Viveiro porá en marcha novos cursos a partir do 16 de marzo, co obxectivo de ampliar a oferta de actividade física e promover hábitos saudables entre a veciñanza
-
Este sábado 14 de marzo, ás 19:00 h na Casa do Viejo Pancho, A AC Francisco Lanza organiza unha conferencia dedicada ás raíñas de Galiza, impartida por Heitor Picallo, autor de varios estudos sobre esta temática
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
