Foz, 6 de marzo de 2026. A portavoz do goberno local socialista de Foz e concelleira de Facenda, Inés López Couto, aféalle ao voceiro do Partido Popular que “minta só para conseguir un titular” sobre impostos municipais.
“Supoño que o señor Castiñeira non quere que se lles pague a subida do salario ao persoal municipal, non quere que se melloren os servizos, nin que se fagan obras, porque se non se fai nada igual o seu partido pode dicir que este goberno non traballa. Pero non vamos seguir o seu camiño, o da inoperancia e a nulo esforzo. O camiño do insulto fácil”, explica Inés López Couto, que engade: “o seu estilo é o das frases feitas e non contar unha triste verdade. Non preguntou a ninguén, leu na prensa e inventou o demais para conseguir un titular e non aportar nada. Que pena que agora que fala de recargos e abusos non o diga polo ano que lles cobrou o IBI por duplicado aos veciños. Dese ano non se acorda. Tampouco se lembra de cando aprobou un PXOM sen posibilidade de aplicación en Cordido e lles obrigou a pagar os IBIs polas súas propiedades como urbanas sen poder urbanizar nada durante 5 anos, ata que este goberno o solucionou. E o último xa é a mentira nas subas dun recibo da auga que adiantou a súa cobranza uns días polo inicio de contrato da nova concesionaria, máis que corresponde ás tarifas xa existentes. Mentiras, mentiras, mentiras e desinformación, o único que sabe facer”.
A concelleira de Facenda en Foz di tamén que o voceiro municipal do PP “segue as indicacións do seu partido a nivel nacional e autonómico. Menos impostos. Menos sanidade. Menos educación. Menos posibilidades para o proletariado. Máis facilidades para os ricos. Iso é o que quere. E non vamos permitilo. Sabe o que son 5 euros? O custe dun litro de aceite de oliva, ou o prezo dun bocadillo e unha botella de auga. É unha aportación que serve para este estado social, para a solidariedade e a corresponsabilidade. É algo que a xente maior sabe o que é. Coma este goberno que inviste no seu banco de alimentos máis de 15.000 euros anuais para quen menos ten”.
López Couto tamén manifesta: “vese a simple vista. Cando el recortaba o horario da biblioteca e gastaba 300 euros en libros, este goberno creou unha sala de estudos, ampliou horarios e inviste anualmente máis de 8.000 euros en ampliar un fondo literario pobre, así como outros 31.000 en mellorar a Casa da Cultura. Cando el organizaba unha comida dos maiores para 200 comensais ou menos, este goberno atende a máis de 700. Cando o seu goberno non investía nin un euro nas parroquias, este goberno vai investir 400.000 só este ano. Cando o seu goberno non aportaba nin 10.000 euros á residencia de maiores, este goberno soporta 360.000. Cando o seu goberno tiña un Entroido bonito, este ten un festa de interese turístico galego, con graderío, cunha cea que se ampliou máis do 50% e con presenza a nivel autonómico. Cando o seu goberno non miraba para os grupos de teatro de Foz, este adecuou un escenario na escola de Fazouro, creou un certame de teatro afeccionado, apoiou a creación doutros dous que traen grupos de fóra a Foz. Cando o seu goberno deixou a Sala Bahía sen material de ningún tipo, este investiu máis de 300.000 euros nela, dotouna de equipamento e creou unha praza diante dela… E isto só son uns poucos exemplos de que Foz mellora grazas a que o Partido Popular non está no goberno. Pero ata no talante se notou o cambio: o señor Castiñeira pactara co PSOE, cando estabamos na oposición, arranxar a rúa do Pilar e a Costa do Castro e nada cumpriu do acordado. Nós temos palabra e priorizamos o arranxo do campo de fútbol de Malates: está a mesa de contratación cos últimos pasos para a adxudicación definitiva dos traballos. Agora o señor Castiñeira quere botarse fóra da negociación dos orzamentos cando sempre protestou porque segundo el non se lle tiña en conta: isto é a repanocha”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
