Cervo, 6 de marzo, 2026. A alcaldesa de Cervo destacou que o Goberno local leva tempo traballando en alternativas para aliviar a carga económica dos usuarios da residencia municipal e das súas familias. A recente liquidación do exercicio orzamentario permite agora incrementar a achega municipal ao centro, o que se traducirá nunha redución do custo das prazas.
O Concello comprométese así a asumir unha parte importante do impacto derivado do incremento de prezos aplicado pola empresa xestora. Grazas aos bos resultados da liquidación orzamentaria, o remanente de tesourería poderá destinarse a reforzar o sostemento deste servizo público esencial.
A alcaldesa, Dolores García Caramés, subliña que este paso é posible grazas a unha xestión económica “equilibrada e sostible”, e reafirma o seu compromiso de seguir buscando solucións que permitan reducir o custe por usuario. A medida formalizarase no pleno municipal da próxima semana.
García Caramés lembrou que a semana pasada mantivo unha reunión coas familias para explicarlles que estaba a estudar vías para abaratar as prazas, aínda que o Concello está sometido a un plan económico-financeiro durante dous anos. “Cinco días despois temos unha solución enriba da mesa. Agradezo a paciencia dos usuarios e das súas familias”, afirmou.
Falta de apoio doutras administracións
A rexedora lamentou tamén o silencio da Deputación de Lugo, á que solicitou colaboración para facer fronte ao incremento de custos, sen obter resposta. Criticou que a institución provincial anunciase que asumirá o 100% dos custos doutras residencias da provincia, mentres non concreta apoio para Cervo.
Do mesmo xeito, reprochou a actitude dos grupos da oposición —socialistas e nacionalistas— aos que acusa de tentar converter o novo contrato da residencia nun conflito partidista, en lugar de sumar na procura de solucións. Tamén censurou que o BNG fale de “opacidade” cando se trata dunha licitación publicada durante meses nos portais oficiais de contratación.
A pesar das críticas, García Caramés insiste en que o Goberno local seguirá centrado en dar resposta ás demandas da veciñanza e en manter a política social como un dos piares da xestión municipal.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
