Foz, 23 de outubro de 2015.- O vicepresidente da Xunta de Galicia, Alfonso Rueda, entregou este venres en Foz un novo vehículo a Policía Local, que ocupará o lugar doutro antigo e que financia enteiramente o departamento autonómico. O alcalde focense, Javier Jorge Castiñeira, aproveitou a ocasión para agradecer a Rueda a súa presenza en Foz e ao equipo da Policía Local por un traballo que cualifica de “excelente”.
“No día de hoxe agradecemos, por suposto, a presenza do vicepresidente da Xunta de Galicia, Alfonso Rueda, e, sobre todo, a boa nova que o trae hoxe aquí para visitar este concello mariñán, que non é outra que a entrega dun novo vehículo á nosa Policía Local. Concretamente é un Citröen Cactus, que substituirá a un dos dous vehículos existentes, xa antigo, e que pasará formar parte da flota do equipo de obras. A nosa Policía Local ten tamén de dúas motos, polo que dispón dun equipamento interesante”, manifestou Javier Castiñeira.
O rexedor aproveitou para “agradecer o traballo policial dos nosos compañeiros, que fan un excelente labor. A día de hoxe teñen un membro menos no equipo, dadas circunstancias laborais dun deles, e con sete axentes e un cabo están facendo un labor marabilloso, sobre todo en época estival, polo verán, con multitude de actividades e cortes de tráfico e, sobre todo, co triplo de poboación que no inverno. E ademais de todo isto, e proba é que hoxe facemos a entrega do novo vehículo no Parque de Educación Viaria de Foz, ese esforzo extra que fai a Policía Local de Foz no que é a educación viaria cos nosos rapaces, con multitude de colaboracións que se fan con colexios mariñáns que usan este Parque de Educación Viaria para que os rapaces de toda A Mariña teñan o seu primeiro contacto co tráfico e coa condución de pequenos vehículos a motor e con esas clases que dan os axentes, que son a maiores do que poden facer noutros municipios. Polo tanto, parabéns e moitas grazas novamente á Xunta de Galicia, ao vicepresidente e á Consellería de Presidencia, que financia totalmente este vehículo que vai ser moi interesante para a nosa Policía Local”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
