Burela, 16 de outubro de 2015.- O CD Burela FS Pescados Rubén encomendarase a Vista Alegre para recuperar as boas sensacións e os bos resultados na sexta xornada de Primeira LNFS mañá, coa visita do Jumilla B. Cacherlo (18.30 horas). “É un partido moi importante; atoparemos un rival pelexador pero a nosa obriga na casa é gañar” dicía con contundencia unha das caras novas desta tempada, Iago Rodríguez, que xa se atopa como peixe na auga na Mariña.
O ex do Prone Lugo estreou a súa cuadrícula goleadora o sábado pasado por partida dobre en Zaragoza e tamén atopou o punto feble do Ribera en Copa o martes. “Ao principio custoume entrar na dinámica do equipo, pero agora xa me atopo mellor, ademais de ter acerto de cara ao gol, aínda que nestas dúas citas non nos acompañaran os resultados” falaba así Iago dos seus primeiros meses de laranxa.
O Pescados Rubén volve ao seu mausoleo despois de dous desprazamentos de Copa do Rei e un de liga en 7 días, con máis de 3000 quilómetros percorridos. A cita de Copa na pista do Ribera Navarra deixou pegada no vestiario laranxa; para mañá será baixa Isi, por rotura de fibras; tampouco está asegurada a participación de Chino, con molestias no xeonllo dereito. Entrará na convocatoria Rubén Fernández, do Burela FS B. Pola súa banda, o Jumilla chega a terras luguesas con 3 puntos, recollidos na terceira xornada con 5-4 ante o UMA Antequera.
“Foi unha semana de moitas viaxes, volvemos con xente tocada e tivemos que adaptar os adestramentos a iso, pero mañá estaremos preparados para ir polos tres puntos” aseguraba Iago Rodríguez, apelando á solidez e ao apoio do pavillón laranxa.
O 9 burelista tamén falou dunha das materias coas que non acaban de despegar os da Mariña, pero que están encamiñando na boa dirección. “Temos xente capacitada para marcar goles e estamos xerando ocasións; non debemos preocuparnos nin ver un problema onde non o hai porque o balón acabará entrando” aseguraba Iago, que tamén puntualizou no lastre burelista en Zaragoza e Tudela. “Nos dous últimos partidos pecamos un pouco de falta de intensidade defensiva pero iso corrixirémolo xa dende mañá, máis na casa, que sairemos con motivación extra; é un factor clave para gañar” concluía o lugués.
Convocatoria CD Burela FS Pescados Rubén: 1. Edu, 5. Iago Míguez, 9. Iago Rodríguez, 11. Chano, 13. Álex, 17. Carlitos, 18. Jorge Bellvert, 23. Antoñito, 27. Renato, 29. Rubén, 30. Hélder
Convocatoria Jumilla B. Carhelo: 1. Fede, 13. Denis, 20. Rubén Orzáez, 8. Simón, 12. Terry, 10. Negro, 9. Javaloy, 5. Juandi, 11. Cristian Rubio y 14. Andresito Macías
Accesos en Vista Alegre. A partir deste sábado Vista Alegre habilitará dous accesos ao pavillón para as citas de Primeira División LNFS. Os afeccionados laranxas poderán entrar indistintamente polas portas 1 e 4, controladas mediante tornos, cumprindo así coa Lei do Deporte no que se refire ao acceso a instalacións onde se celebren espectáculos deportivos. Recórdase a todos os afeccionados que tanto a venda de entradas en taquilla como os accesos a Vista Alegre están abertos desde unha hora antes dos encontros.
Terceira División. O enfrontamento entre o CD Burela FS B e o Ribeira FS abrirá a tarde de fútbol sala na Bomboneira, a partir das 16.00 horas.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
