Burela, 19 de novembro de 2015.- O Correlingua celebrarase en Burela o 5 de maio de 2016. Serán mil escolares de toda a comarca os que participen nesa xornada reivindicativa, segundo deu a coñecer este xoves ó mediodía o alcalde, Alfredo Llano.
O rexedor contou que “para 2016 o Concello vai colaborar, participar e axudar en todo o que podamos co Correlingua. Onte tiven a primeira reunión cos representes do Correlingua e chegamos á primeira conclusión, que vai ser a nosa intención de participar en todo aquilo que nos reclamen, participar dunha maneira activa e colaborar de forma eficaz naquilo que nos parece importante, como é unha xornada para reivindicar o noso idioma. É importante que se faga e dende os colexios e institutos da comarca, moito mellor. Calculamos que van participar nesta nova edición do Correlinga que se vai celebrar en Burela o día 5 maio unhas 1000 persoas procedentes de diferentes concellos e institutos da comarca, o que quere dicir que é unha cuestión moi importante. O Concello vai colaborar na organización, imos ver como podemos facer para colaborar institucionalmente e economicamente posiblemente tamén neste Correlingua”.
Alfredo Llano seguiu a relatar que “dixemos que iamos realizar a maioría dos actos na praza da Mariña e o tema deportivo e as andainas dende a praia da Marosa á praza da Mariña. Xa temos configurado o que é o primeiro borrador, o que imos intentar realizar de aquí ao mes de maio. Imos ter unha reunión nova en xaneiro ou febreiro para pechar o programa definitivo, pero nós como Concello imos colabora e estamos contentos de que veña o Correlingua a Burela, no que xa participamos noutras ocasións”.
E engadiu que “tamén imos aproveitar a ocasión para que os diferentes colexios e participantes que veñen ao concello para pasarlles información do que poden visitar noso pobo, como pode ser o porto, as pinturas da Vila do Medio, o Monte Castelo. Nos aportaremos e facilitaremos que vaian a aquelas cousas que nos parecen interesantes, como tamén pode ser o Barco Museo. Aí estamos para colaborar”.
Xuntanza na Deputación
O alcalde viaxou este xoves a Lugo para manter un encontro co presidente da Deputación de Lugo, Darío Campos: “falamos de cara ao vindeiro ano 2016 de cousas que precisa e que poden ser de interese para Burela. Refírome a posibles asfaltados ou reparacións de estradas, plans de emprego e de formación, etc. Serían proxectos a realizar no 2016 con cargo aos orzamentos da Deputación”.
Llano tildou o encontro coma “moi positivo”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
