Lourenzá, 19 de novembro de 2015.- O Concello de Lourenzá organiza diversos actos para conmemorar o Día Internacional contra a Violencia de Xénero o vindeiro mércores, 25 de novembro. A todos eles asistirán a alcaldesa, Rocío López, e a concelleira de Benestar Social, Mercedes Dengra.
Os actos iniciaranse ás 10 da mañá, momento no que a alcaldesa e membros do equipo de goberno xunto cos traballadores municipais, colocarán no balcón da Casa do Concello o lazo malva representativo do día. Tamén pola mañá, a partir das 10 e media, exporase ao público o Libro de Sinaturas do Concello en contra da Violencia de Xénero, que permanecerá ó longo de toda semana no Salón de Exposicións para que todo aquel que o desexe poida deixar a súa mensaxe en cotra da Violencia de Xénero.
Xa á tardiña, a partir das 17:30 horas, terá lugar no Salón de Actos unha lectura de testemuñas sobre Violencia de Xénero por parte dos alumnos e alumnas do Taller de Memoria. A continuación das lecturas desenvolverase unha charla coloquio onde os asistentes poderán intervir e formular cuestións relacionadas coa temática. “Con esta iniciativa pretendemos que os asistentes se mergullen na vida daquelas mulleres que foron vítimas e sufriron este tipo de violencia. Esta iniciativa foi aceptada moi positivamente polos alumnos e alumnas do taller, que puxeron todo o seu empeño e predisposición para colaborar e participar nesta actividade”, explicou a rexedora municipal.
A continuación, ás 18:30 horas, para pechar o programa terá lugar unha proxección cinematográfica na que aparecerán escenas cotiás da vida diaria relacionadas con esa temática.
A alcaldesa recalca “a importancia de educar a sociedade, sobre todo aos máis novos, como ferramenta fundamental na loita contra violencia machista. A igualdade entre homes e mulleres é fundamental; é por iso que non podemos permanecer impasibles ante tanta violencia. Con esta xornada o Concello de Lourenzá quere manifestar así o seu compromiso explícito de rexeitamento da violencia de xénero. É fundamental poñer en marcha unha labor de concienciación de toda a cidadanía para conseguir erradicar este grave problema que constitúe unha lacra para a sociedade no seu conxunto. É de vital importancia romper o silencio daquelas mulleres que están sendo maltratadas, sensibilizando á sociedade e as propias vítimas de que é posible saír desa situación e comezar unha nova vida. É importante que tódalas Institucións traballen na mesma dirección, botando man dos recursos que estean ó seu alcance para loitar contra esta lacra social”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
