Lugo, 20 de novembro de 2015.- Dous informes xurídicos independentes avalan a reclamación feita pola Xunta e desatendida polo Concello sobre a necesidade de que o alcalde envíe previamente á administración autonómica os informes de viabilidade e non duplicidade para que o Goberno galego poda conceder a axuda comprometida para a futura residencia.
O presidente do Partido Popular de Ribadeo e voceiro do Grupo Municipal Popular, Jesús López Penabad, acompañado dos edís populares na localidade, fixo pública este venres a existencia destes dous informes xurídicos, elaborados por letrados independentes e de probado prestixio, alleos a consideracións partidistas, e que conclúen que a Xunta de Galicia está obrigada a contar con esta documentación para xustificar a axuda económica.
“Queda claro e demostrado que a Xunta para autorizar calquera apoio na futura residencia precisa dos informes de viabilidade e non duplicidade polos que agarda xa 15 meses”, di o voceiro dos populares, quen engade que “o alcalde non pode pretender que a Xunta incumpra coa normativa que establece como obriga que previo paso á aprobación do expediente de colaboración, a Xunta debe dispoñer dos informes e debe facelo con anterioridade á autorización do gasto, como requisito previo á autorización orzamentaria”.
Ademais, o popular explicou que a lei obriga ao Goberno galego a reclamar estes informes ao tratarse dunha competencia impropia do Concello, polo que a Consellería debe sinalar a non existencia de duplicidades, e que o exercicio desta nova competencia non sexa sostible dende o punto de vista económico, ademais de acreditarse a capacidade de xestión e o xeito concreto de prestar este servizo.
Un interese real e pouco disimulado por bloquear esta colaboración
O voceiro dos populares asegurou que non entende a negativa do alcalde, o nacionalista Fernando Suárez Barcia, a remitir esta documentación esixida por lei, e que, polo tanto, “demóstrase que hai un interese real e pouco disimulado por bloquear a concesión dunha axuda de medio millón de euros por parte do Goberno galego. Están a negarse en rotundo a remitir a documentación que se lles esixe por lei, fai xa 15 meses”.
López Penabad amosouse crítico ante a falta de compromiso ético do alcalde que “na súa inmensa prepotencia política discute e retorce a lei, para interpretala ao seu antollo” ao tempo que lamentou que “segue ocultando aos seus veciños o xeito no que financiará, xestionará e o custe das prazas dun centro que todo apunta a que será privatizado. Tanto o alcalde como algún dos seus títeres están empeñados en confundir ás veciñas e aos veciños, a guiarse pola estratexia da des-información”.
“Retamos ao alcalde a que fixera pública a proposta de colaboración que a Xunta remitiu ao Concello; a que fixera públicas as respostas incompletas ofrecidas desde o Concello; a que demostrase que non era certo que a Xunta agarda polos informes de viabilidade e non duplicidade desde fai 15 meses”, dixo o popular, quen engadiu que “seguimos agardando”.
Compromiso da Xunta de Galicia e do Partido Popular
O compromiso tanto da Xunta de Galicia coma do Partido Popular coa residencia “é claro e manifesto” e, neste senso, Penabad lembrou que o Goberno de Alberto Núñez Feijóo ofreceuse, por un lado, a financiar, cada ano, 40 das 47 prazas dispoñibles, a través dun concerto –que o alcalde desbotou- e, por outro lado, a achegar a fondo perdido de 500.000 euros, nun solo pago, para colaborar co custe de construción.
“Está claro que a Xunta quere colaborar con este proxecto de residencia. Así o asegurou o Grupo municipal, os nosos parlamentarios e o mesmo conselleiro de Política Social” e con esta idea de colaboración dende “o PP de Ribadeo sumámonos nun principio á Plataforma pro-residencia porque entendiamos que non podíamos estar en contra dun colectivo que se fai chamar pro-residencia, algo que todos compartimos, pero tivemos que abandonala tras comprobar que en realidade son unha plataforma pro BNG, que serven de altofalante do alcalde”, concluíu.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
