19 de novembro de 2015.- O presidente do Goberno galego, Alberto Núñez Feijóo, adiantou este xoves que a Xunta aboará a partir deste venres o anticipo das axudas da Política Agraria Común que será, dixo, o maior da historia de Galicia, tanto en número de beneficiados, posto que chegará a 26.007 gandeiros e agricultores, como polo importe, que ascende a un total de 65,3 millóns de euros. Isto converte a Comunidade, engadiu, na primeira Autonomía en aboar este importe.
Na rolda de prensa posterior á reunión do Consello, Feijóo precisou que a contía destas axudas supón o dobre do que se anticipou en 2013 (32,6 millóns de euros), e o 83% máis do anticipo que se deu en 2014, que foi de 35,8 millóns de euros. Unhas axudas que, segundo explicou, a Xunta pagará de xeito conxunto coa axuda acoplada do sector lácteo, que é estratéxico para Galicia.
Nesta liña, salientou que en Galicia o número de beneficiarios é moito maior ca noutras comunidades onde as axudas están máis concentradas, e destacou que a porcentaxe de galegos que reciben o anticipo da PAC está 11 puntos por riba da media das autonomías que pagan este importe. Ademais, sinalou que outra diferenza é a modalidade de pagamento, posto que, fronte ás que optaron por facer pagamentos parciais dun terzo dos importes máximos autorizados, Galicia realizará o pagamento dunha soa vez, para achegar certeza e seguridade ao sector.
O titular da Xunta indicou que os 65,3 millóns de euros corresponden a tres conceptos diferentes: o Pagamento Básico aos Agricultores; o Pagamento Verde, destinado aos gandeiros e agricultores que apliquen prácticas agrícolas beneficiosas para o clima e o medio ambiente; e a axuda acoplada ao sector lácteo.
Segundo sinalou, o importe total poderá subir nas vindeiras semanas cando se subsanen as solicitudes con deficiencias como falta de documentación ou duplicidades de parcelas. Non obstante, apuntou, para recibir este pagamento non será necesario que estean rematados os controis sobre o terreo, pero si os controis administrativos.
Feijóo explicou que a Comisión Europea autorizou a que se axilizase o pagamento do anticipo da PAC ante a difícil situación financeira que están a vivir certos sectores agrícolas. E con este mesmo fin, Bruxelas tamén permitiu que o anticipo puidese elevarse ao 70% da axuda total.
Xunto con isto, adiantou que a Xunta tramitará este venres a petición adicional de 7,1 millóns de euros de indemnizacións compensatorias, para compensar os custos adicionais e as perdas de ingresos que supón a produción agrícola en zonas de montaña e outras zonas desfavorecidas. Esta axuda, agregou, contribuirá a paliar os problemas de tesouraría que veñen arrastrando os nosos empresarios agrícolas en canto non se estabilicen os mercados.
Colaboración entre o Goberno e as Comunidades Autónomas
A axilidade na tramitación destas axudas foi posible, dixo, grazas á xestión compartida entre a Administración Xeral do Estado e as Comunidades Autónomas, xa que este é o primeiro exercicio en que as axudas da PAC se tramitan a través dunha aplicación informática conxunta elaborada entre o Ministerio e as autonomías. Isto supón un importante aforro de custos, posto que Galicia non achega máis de 60.000 euros a unha plataforma que custa máis de 10 millóns de euros; e garante, ademais, a integridade e a seguridade da xestión das axudas públicas.
Feijóo concluíu salientando que estas axudas son unha mostra máis do esforzo que a Xunta está a dedicar ao agro galego e, concretamente ao sector lácteo, no que leva investido xa, ao longo deste ano, 148 millóns de euros. Ademais, destacou outras medidas como a promoción da marca Galega 100%, a achega de 30 millóns de euros para o desenvolvemento industrial do sector, e o Plan de desenvolvemento rural 2015-2020, que supón un investimento de preto de 1.600 millóns de euros.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
